Aeroplanët e Fortnite do të hiqen kur të fillojë sezoni i 8

“Shfrytëzojini sa të mundni…”

Gjatë një Fortnite Battle Royale AMA, kreu i dizajnit të Fortnite, Eric Williamson konfirmoi se aeoroplanët do të zhduken nga qarkullimi në sezonin e tetë të Fortnite.

“Aeroplanët do të zhduken me ardhjen e sezonit të 8. Shfrytëzojini sa të mundni tani!”

Aeroplanët ishin një shtojcë shumë emocionuese në fillim të sezonit të 7 , por armatimet e tyre ishin tepër të sakta dhe mund të përballonin mjaft mirë shembjen përmes ndërtesave dhe objekteve. Feedbacku i lojtarëve ishte mjaft unanim dhe ky i fundit solli disa nerfs që i ulën saktësinë në të qëlluar dhe aftësinë e shembjes mespërmes ndërtesave.

Patch 7.40 i solli aeroplanët në një gjendje të shkëlqyer ndaj jemi të habitur që thjesht do i heqin nga qarkullimi. Gjithsesi duhet të ketë ndonjë arsye të mirë pas këtij vendimi. Me tërmetet që po shkundin ishullin dhe që po lënë të çara gjithandej në qoshen verilindore, duket se teoria e ujit po del deri diku në dritë.

Aeroplanët mund të ikin për momentin, por ndoshta Epic ka menduar të sjellë diçka të ngjashme nën ujë gjatë sezonit të tetë.

Se çfarë do të bëhet me këtë të fundit asnjë nuk mund ta dijë me siguri, por kur i hedhim një sy skins-ave të reja që janë paraqitur në lojë uji padyshim që do të jetë një element kyç.