Activision merr masa për pre-orders e anulluara të Modern Warfare

Një numër i konsiderueshëm lojtarësh mendohet të kenë anulluar pre-orders-at e Modern Warfare gjatë javës së shkuar dhe kjo gjë ka tërhequr vëmendjen e publisher-it të lojës.

Përgjatë fundjavës një leak deklaroi se Activision dhe Infinity Ward kanë mbajtur një mbledhje emergjente për të diskutuar mbi fenomenin. Campaign-i në social media i Modern Warfare mendohet ti ketë dëmtuar shumë shitjet e lojës dhe si rrjedhojë pre-orders janë anulluar në shenjë proteste.

Nuk dihet se sa pre-orders mendohet të jenë anulluar, kjo gjithmonë nëse spekulimet janë të vërteta. Deri tani çdo gjë mbetet një thashethem, por thashethemet në Call of Duty zakonisht ka qenë të vërteta. Kjo i ka bërë fansat të mendojnë se Activision dhe Infinity Ward u takuan për të diskutuar mbi anullimin e këtyre pre-orders dhe për të gjetur një zgjidhje në të mirën e gjithë komunitetit.

Pas një bete shumë të suksesshme javën e shkuar, fansat e Modern Warfare u frustruan, kur u zbulua se Survival mode Spec Ops do të jetë ekskluzive për PlayStation 4 për një vit të tërë. Gjithashtu kishte dhe thashetheme për supply drops që përmbanin armë, gjë që do sillte në një skenar pay-to-win me microtransactions.

Këto dy shqetësime e detyruan komunitetin që të fillonte një bojkotim online përgjatë të gjitha platformave. Lëvizje të tilla rrallëherë japin rezultat, mbi të gjitha kur vjen puna në një seri si ajo e Call of Duty. Kjo është arsyeja pse thashethemet për një numër të madh të pre-orders të anulluara janë të vështira për tu besuar.

Modern Warfare do të lançohet për PlayStation 4, Xbox One dhe PC në 25 tetor të 2019s. Ende nuk dihet nëse loja do të vazhdojë të dëbohet në Rusi apo jo. Infinity Ward së fundmi bëri ndryshime, kur hoqi emrin e shtetit nga loja. Activision do të japë njoftime mbi këtë së shpejti.