Përtej Call of Duty, lojëra të tjera do të mund të luhen në mobile.
Përtej Call of Duty, lojëra të tjera do të mund të luhen në mobile.
Pas suksesit të Call of Duty: Mobile, që kaloi 300 milionë shkarkime në vetëm një vit, Activision Blizzard po kërkon që të sjellë edhe lojërat e tjera të tij në mobile. Anëtarët e stafit të Activision Blizzard zbuluan gjatë mbledhjes për Q3 të kompanisë se po planifikojnë të investojnë më shumë në mobile.
Presidenti i Activision Blizzard dhe CEO Daniel Alegre tha se: “sjellja e serive të lojërave të Activison në miliarda paisje mobile është mundësia më e madhe” që kanë deri tani. Ai shtoi se do të kapitalizojë në këtë plan dhe të sjellë të gjitha lojërat e kompanisë në mobile.
Deri më tani, Blizzard ka njoftuar se do të sjellë Diablo në paisjet mobile. Diablo Immortal u njoftua gjatë BlizzCon 2018 dhe po zhvillohet për Android dhe iOS në bashkëpunim me kompaninë kineze të teknologjisë, NetEase.
Alegre gjithashtu zbuloi se ka disa lojëra mobile të Blizzard që janë momentalisht në zhvillim e sipër. Kur u pyet nëse kishte në plan të sillte lojën battle royale Call of Duty: Warzone në mobile, presidenti i Activision, Rob Kostrich, la të nënkuptohej që po. Ai gjithashtu shtoi se shohin potencial të fortë në sjelljen e Call of Duty: Mobile.
Activision nuk është e vetmja kompani që i shikon mundësitë e shumta të tregut të mobile. Pas suksesit masiv të PUBG në smartphones, Electronic Arts dhe Riot Games gjithashtu kanë njoftuar se dy nga lojërat e tyre: Apex Legends dhe League of Legends do të drejtohen për në paisjet mobile.