Jo se na duhet, po kush nuk do të donte ta kishte një?
Jo se na duhet, po kush nuk do të donte ta kishte një?
Gjatë segmentit të gaming në stream-in Next@Acer 2020, Acer zbuloi produktet e reja Predator, ku përfshihen një desktop dhe laptop, një pije energjike e quajtur Predator Shot dhe një karrige gaming me masazh dhe bokse Bluetooth. Ata gjithashtu zbuluan edhe monitorin Predator X25 me ekran 360Hz.
Acer Predator X25 është një monitor 1080p 25-inch me refresh rate 360Hz, duke sjellë gameplay shumë të kënaqshëm për sytë e lojtarëve. Normalisht që askujt nuk i duhet një monitor 360Hz se 240Hz dhe 144Hz janë mëse mjaftueshëm, po nuk është ndonjë gjë e keqe ta kesh një apo jo?
Monitori suporton G-Sync dhe përdor LightSense, e cila e lejon monitorin të ndryshojë ndriçimin dhe temperaturën e ngjyrave në varësi të dritës përreth. Një tjetër veçori është Adaptive Light, e cila ndryshon ngyjrat rreth monitorit në varësi të pamjes që shfaqet në të.
Acer Predator X25 do të vijë në Amerikën e Veriut dhe Europë për një çmim prej $1,100. Ndërkohë, lojtarët gjithashtu mund të blejnë monitorin më të lirë të Acer, Predator XB3.