Një video virale është duke i dyjëzuar opinionet e njerëzve, nëse ‘tryhards‘ janë duke shkatërruar gaming ose jo, pasi disa prej lojtarëve po thonë se lojërat kompetitive online nuk janë më argëtuese.
TikTok-er ‘mbeen22’ postoi një klip të streamer-it ‘BOBBYWASABl’ duke luajtur Fall Guys në një ndeshje të Hex-A-Gone. Përgjatë gameplay-it, ai ishte duke luajtur mirë, sado që loja mund të jetë goxha stresuese.
Ndërkohë Mbeen22 nga ana tjetër, po komentonte mbi klipin, duke treguar arsyen pse “ndaloi së luajturi videolojëra”. Arsyeja ishte që lojërat online bëhen shumë kompetitive, edhe ato që supozohet të jenë thjesht për t’u argëtuar.
“Kjo lojë ka një javë që ka dalë dhe njerëzit që tani po përpiqen kaq shumë që të jenë të mirë,” tha ai. “Humbet qefi brenda lojës, kur çdo gjë bëhet kaq kompetitive.”
Ky klip ka nisur një debat të tërë mes gjithë komunitetit të gamers.
“Gjërat shkojnë në pikën ku 90% e lojtarëve që fitojnë ose arrijnë në Top 10 janë super tryhard,” është shprehur një person në Twitter. “Për këtë arsye lojtarët më rastësore detyrohen të gjejnë një lojë të re, të kalojnë shumë kohë në Load screens ose të bëhen tryhard vetë.”
Disa njerëz i shohin tryhards në mënyrë negative, duke qenë se lojtarët e thjeshtë mund të lodhen menjëherë duke u marrë me ta, ose mund të kërkojnë që thjesht të argëtohen. Kjo është pika ku duhet ngritur një pyetje tjetër e rëndësishme: A është tryhard e njëjta gjë me të kërkuarit të fitores?
“Ndonjëherë njerëzit thjesht duan të kënaqen me miqtë e tyre dhe të luajnë, por pastaj përballen me njerëz që duan të fitojnë se sbën çdo lojë që luajnë dhe për pesë ditë loja nuk është më as qef për t’u luajtur,” tha Mbeen22.
Kjo është pika ku opinioni i njerëzve dyjëzohet, pasi njerëz të ndryshëm kanë përqasje të ndryshme drejt lojërave. Po ju çfarë mendimi keni për këtë situatë?