Epic Games ka njoftuar themelimin e një studioje të fokusuar në streaming.
Epic Games ka njoftuar themelimin e një studioje të fokusuar në streaming.
Epic po hap një studio të re në Köln të Gjermanisë dhe studioja do të drejtohet nga krijuesit e Factor 5, studios gjermane të njohur më së shumti për lojën shooter në hapsirë, Star Wars: Rogue Squadron. Epic Games Köln do të fokusohet në “format e reja të medias interaktive dhe teknologjitë streaming”
Kompania ka emëruar Julian Eggebrecht si drejtor të teknologjisë online dhe Achim Moller si drejtor të studios, dy prej pesë njerëzve të cilët krijuan Factor 5 në 1987 dhe të dy kanë qënë pjesë e Epic që prej këtij viti. Eggebrecht ishte fillimisht zv. president i Hulu dhe Epic thotë se ekipi ka punuar më përpara me Amazon dhe Netflix, së bashku me historinë e tyre në industrinë e gaming. Kjo duket një eksperiencë perfekte për të krijuar një studio të fokusuar në streaming.
“Në qëndër të suksesit të Epic janë njerëz të zotë dhe pasionantë,” – tha Eggebrecht në një deklaratë për shtyp. “Gjermania është një vend që ecin me hapat e teknologjisë dhe ne jemi entuziastë që të zgjerojmë prezencën tonë në këtë fushë duke punësuar njerëz të rinj dhe të talentuar.”
Pyetja e vërtetë është nëse ky shërbim streaming do të jetë një konurrent i Twitch apo një alternativë ndaj Google Stadia, pasi kjo deklaratë nga ana e Epic nuk jep shumë detaje përveç pozicioneve të Eggebrecht dhe Moller.
Megjithatë, duke parë se Twitch momentalisht nuk është në një pozicion të mirë pas largimit të Ninja drejt Mixer, ekziston mundësia që Epic të ketë gjetur momentin perfekt për të krijuar një shërbim vërtet kompetitiv, që do t’ju japë edhe më shumë mundësi streamer-ave. Gjithashtu, ekziston mundësia e integrimit të këtij shërbimi brenda në lojëra si Fortnite, për ta bërë më të lehtë se kurrë streaming.
Ka shumë mundësi që duhet të presim ende dhe pak kohë përpara se të mësojmë më shumë detaje mbi punën e Epic në Köln, por duke parë rëndësinë që i është dhënë streaming kohët e fundit në botën e gaming, kjo lëvizje e kompanisë nuk është aspak surprizë.