Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Sipas një studimi, 20 milion PC gamers do kalojnë në TV gaming në 2022
Jetëgjatësia e PC gaming ka qenë një tematike e trajtuar shpesh në industrinë e lojërave. Gjithsesi herë pas herë një studim del në sipërfaqe që analizon sa shqetësuese është situata për këtë platformë.
Më i fundit ka qenë nga Jon Peddie Research këtë javë, ku raportohej se rreth 20 milionë lojtarë PC do të kalonin në platformat e TV gaming, përgjatë viteve 2018-2022. Sipas studimit kjo lëvizje do të ndikojë vetëm ata që nuk janë shumë të dhënë pas PC gaming.
“Tregu i PC vazhdon të pësojë rënie, sepse elementi i ‘të resë’ që ishe prezent në fillimet e hovit të tij ka ndaluar. Duhet të mbajmë në mendje se nuk është situatë paniku. Tregu i GPU vazhdon të ketë fitime të mëdha. Gjithsesi parashikohet se një pjesë e këtij biznesi do të kalojë në TV gaming.”
Çfarë është e qartë kur i hedh sytë nga konsolat e gjeneratës së shkuar është se nuk ka ndonjë rritje të madhe në totalin e përdoruesve të tyre. Ndaj, i vetmi kërcënim në këtë rast do të vinte nga platformat cloud-based si puna e Stadia. Sado që qëllimi i vërtetë i këtyre shërbimeve është që të zgjerojë tregun e gaming, realiteti është që thjesht do të zhvendosin përdoruesit e platformave të tjera te ajo e tyre.
Në fund të ditës gjithçka varet nga çfarë Stadia ka për të ofruar. Nëse PC gamerat do të braktisin platformën e tyre për teknologjinë cloud-based, kjo e fundit duhet të jetë perfekte. Google duket mjaft i bindur se mund ta bëjë, kurse Microsoft nga ana tjetër është shprehur se iniciativa e tyre për Project xCloud nuk do të krahasohet me cilësinë e hardware-it.
Në shqiperi, siç zbuluam dhe nga pyetësori ynë, shumica e përdoruesve ishin besnikë ndaj PC. Po ju çfarë mendimi keni ndaj këtij fenomeni? A do të ishit të gatshëm të kalonit në TV gaming apo do ti qëndronit përherë besnikë PC suaj?
