Fortnite e Epic Games është duke ju afruar tre viteve, por a është duke hasur vështirësi në ecurinë e saj në tregun e battle royale? Me hashtagun #RIPFortnite që po qarkullon në Twitter le ti hedhim një sy shikueshmërisë, lojtarëve dhe rivalëve të saj më të mëdhenj.
FORTNITE VS APEX LEGENDS VS WARZONE
Vitet e fundit kanë parë një rritje në numrin e lojërave battle royale të disponueshme për lojtarët. Sado që Fortnite revolucionalizoi tregun, ajo ndoqi lojëra si PUBG dhe H1Z1. Këto lojëra kanë rënë nga lavdia e tyre fillestare, duke i hapur rrugën Apex Legends dhe Warzone.
Dimë se edhe Warzone edhe Apex Legends kanë kaluar 50 milion lojtarë unikë, por Epic ka qenë pak i heshtur për numrat e tij kohët e fundit. Update-i i fundit i vërtetë që kemi marrë ishte në mars të 2019s kur Epic konfirmoi se kishte 250 milionë përdorues unikë që luanin Fortnite.
Sipas Twitch Metrics pastaj, shikueshmëria mesatare e Fortnite përgjatë muajit të fundit, nga mesi i marsit në mesin e prillit, ishte pak mbi 91,000. Kjo e vendos atë si kategoria e gjashtë me e ndjekur në Twitch. Ajo qëndron shumë më para Apex Legends, por prapë është mbarapa lojërave si CS:GO, League of Legends, Valorant dhe më e rëndësishmja Call of Duty: Modern Warfare.
Kur krahasojmë statistikat e Fortnite me Warzone ose Valorant, ajo është goxha mbrapa. Shikueshmëria mesatare e Modern Warfare në të njejtën periudhë kohore është gati 140,000 dhe ajo e Valorant 250,000. Sigurisht që të dyja lojërat janë ende në hype-in e madh të fillimit.
A JANË LOJTARËT PRO DUKE LËNË PAS FORTNITE?
Me pak fjalë disa po dhe disa jo. Ende shohim streamera si Tfue dhe Ninja që luajnë Fortnite, por këta janë emra që marrin shikueshmëri të konsiderueshme çfarëdo loje që të luajnë.
Nga ana tjetër kemi parë shumë pro dhe streamers të tërhiqen nga loja e Epic Games. Ndër to përmendim era si Psalm, CouRageJD dhe DrLupo.
PSE LOJTARËT JANË TË INATOSUR ME EPIC GAMES?
Kur e ngremë këtë pyetje është e rëndësishme të mbajmë mend sa ka një numër të madh të lojtarëve të Fortnite që janë të lumut dhe gjendjen e tanishme të lojës. Gjithsesi nuk mund ta mohojmë se ka shumë lojtarë që janë të acaruar me Epic.
Përfshirja e skill-based matchmaking në ndeshjet publike ka qenë kontradiktore. Fansat thonë se kjo gjë ndëshkon lojtarët me aftësi të të mira dhe se një lojë me ranked modes të dedikuara, si Arena, nuk duhet ta ketë në lojërat publike.
Përtej kësaj vendimi i Epic për të hequr patch notes vazhdon të mos pëlqehet nga askush. Sado që fillimisht u bë për të minimizuar impaktin që vendimet e Epic kishin mbi lojëtarët, duket se shumica thjesht janë të bezdisur nga mungesa e informimit për ndryshimet në lojë.
Së fundmi Fortnite arriti kulmin duke u njohur për update-et e saj të shpeshta që e mbanin lojën të freskët. Shumë njerëz mendojnë se loja nuk e ka më këtë element. Sezoni i parë i Chapter 2 zgjati thuajse pesë muaj.
Se si do të jetë e ardhmja për Fortnite mbetet të presim dhe të shohim, por nuk mund ta mohojmë se loja ka pësuar një rënie në krahasim me atë çfarë ishte dikur.