A është e mundur që Among Us të luhet në VR?

Kemi parë shumë lojëra të ndryshme të ngjashme me Among Us por ky version VR i lojës do t’iu befasojë

Nëse stili 2D i Among Us iu ka penguar të luani një ndër lojërat më të përfolura dhe më popullore të momentit, ndoshta ky version VR i lojës mund t’iu bëjë ta provoni. Ky version i lojës është krijuar nga Jar dhe mund të luhet plotësisht në VR Chat.

Në trailer mund të shikoni sesi lojtarët vrasin, sabotojnë, kryejnë detyrat e tyre, raportojnë trupat e vdekur dhe bisedojnë për të gjetur imposter e vërtetë që gjendet midis tyre. Me pak fjalë mund të themi që kjo lojë është Among Us por në 3D dhe VR.

Në ketë version të rikrijuar të hartës Skeld që është një nga hartat më popullore të lojës ju do të mund të përdorni duart tuaja për të lidhur telat, tërhiqni levat dhe të skanoni kartën që është një nga detyrat më të bezdisshme në lojë për shumë lojtarë. Si një imposter ju do të mund të vrisni crewmate, të lëvizni nëpër vent dhe të sabotoni anijen si në lojën origjinale.

Ky mode i VR Chat i cili është plotësisht i luajtshëm nga të gjithë sjell gjithashtu edhe avatar të crewmate nga Among Us. Krijuesi i këtij versioni thotë se loja do të mund të luhet në PC dhe Oculus Quest dhe VR nuk do të jetë e nevojshme për të luajtur.

Pjesa më e bukur është se e gjitha kjo është falas dhe të gjithë mund ta provojnë duke klikuar link-un në postimin e Twitter. Nëse doni të dini më shumë lajmeve të fundit rreth Among Us klikoni këtu.