Çdo gjë ndryshoi me një sms.
Çdo gjë ndryshoi me një sms.
Peaky Blinders është një nga serialet më të njohura në të botë, por a do të ishit në gjendje ta imagjinoit atë pa Cillian Murphy si Tommy Shelby? As ne dhe as krijuesi i saj. Gjithsesi, planet fillestare kur u përzgjodh kasti i serive ishin pak ndryshme.
Steven Knight pranoi gjatë një interviste se kur kishte menduar për rolin e patriarkut Shelby, nuk i kishe shkuar menjëherë mendja te Murphy, pasi zgjedhja e tij e parë ishte Jason Statham. Ai vazhdoi të fliste për takimin që kishte me të dy aktorët:
“I takova të dy në Los Angeles për të folur për rolin dhe preferova Jason. Një nga arsyet pse e bëra ishte sepse Jason ishte thjesht Jason gjatë këtij takimi. Cillian, kur e takon, nuk është Tommy, dhe isha shumë idiot që nuk e kuptova.”
Përmes një sms që i çoi më vonë Murphy, opinioni i Knight ndryshoi: “Ai më dërgoi një mesazh që thoshte; “Mbaj në mendje që jam një aktor.” Kjo ishte ideja, sepse ai mund të tranformhej.”
Statham ka luajtur role të ngjashme në Lock, Stock and Two Smoking Barrels dhe Snatch. Në fund roli i shkoi Murphy dhe ai dha një performancë të jashtëzakonshme. Ndoshta në një univers paralel mund të shikonim Peaky Blinders me Jason Statham.
Kini parasysh se sezoni i 6 i Peaky Blinders është ende në punë e sipër, por xhirimet kanë ndaluar për shkak të pandemisë. Për këtë arsye nuk mund të dimë se kur do i shohim episodet e reja, të cilat fillimisht u planifikuan për në 2021.