A e dini se ‘X’ i PlayStation nuk quhet iks?

Treçereku juaj janë gabim.

Ka dy lloj njerëzish në këtë botë. Ata që e quajnë butonin poshtë të controller-it DualShock ‘X'(iks) dhe ata që e quajnë “Cross”(kryq)… Kush i thotë kryq njëherë?

Nëse jeni njerëz të hajrit (pa ofendim këtu për qëniet e çuditshme që mund ti thonë vërtetë kryq), e quani X. Gjithsesi PlayStation nuk është fare dakord me këtë gjë dhe e ka deklaruar publikisht se sa gabim që jemi që të gjithë. Mesa duket mënyra e duhur për ta quajtur është “Cross”(kryq).

Ky është një debat që bëhet shpeshherë në komunitetin e gaming, por kjo është hera e parë që dikush që merr vërtetë vesh ka thënë versionin e tij. Ishte pikërisht PlayStation UK që bëri të ditur se mënyra korrekte për t’ju referuar është “Cross”. Sado që të gjithë në teori e dimë se butonat e DualShock kanë forma dhe jo gërma.

“Trekëndësh. Rreth. Kryq. Katror,” shkruajti PlayStation UK në Twitter. “Nëse kryqi quhet X, atëherë rrethi çfarë i bie të quhet?”

Sado që shumica e komenuesve u shokuan, ndoshta ende janë duke e marrë veten nga shoku, fansat e termit ‘kryq’ u futën menjëherë në lojë për të shpjeguar se ku e kishim bërë gabimin.

“Kryqet kanë të njejtën distancë nga skajet. Kryqet formojnë një katror.” Tha një prej komentuesve. “X-et nuk kanë të njejtën distancë nga skajet, ato formojnë një drejtkëndësh. Gjeometri e thjeshtë.”

Më pas kishte dhe një sugjerim të tmerrshëm që thoshte se quhej “fork” (pirun). Mendojeni pak… butoni i pirunit…brrrr.

Gjithsesi ka dhe 160,000 njerëz të tjerë që kanë dhënë opinionin e tyre në poll-in e mbajtur në Twitter, kur deri më tani 81% e tyre i thonë ‘X’. Por siç ka thënë edhe i madhi… nuk ka rëndësi shumica pakica, pakica gjithmonë fiton.