Zërat sa vijnë e shtohen për lojën e ardhshme Far Cry
Zërat sa vijnë e shtohen për lojën e ardhshme Far Cry
Një lajm i çuditshëm u zbulua ditën e djeshme kur zërat rreth një loje të re falas Far Cry u shfaqën në Reddit. Këto zëra sugjeronin se Ubisoft është gati për të lançuar lojën e ardhshme të serisë, e cila do të jetë free-to-play.
Postimi në Reddit rreth lojës së re falas Far Cry, e cila mesa duket quhet Far Cry: Frenzy, thotë se Ubisoft dërhironte ta lançonte lojën në gusht por për shkak të bugs lançimi i Far Cry u shty.
Mesa duket, Ubisoft e ka përgatitur lançimin e lojës për muajin tjetër. Far Cry: Frenzy supozohet të jetë një multiplayer me 12 lojtarë me një krijues hartash brenda saj. Sipas leaker-it, loja do të jetë rreth 27GB dhe do të vijë vetëm si digital download.
Duke qënë se ende nuk ka asnjë fushatë marketingu, leak-u sugjeron se Ubisoft ka paguar streamers dhe content creators për të luajtur Far Cry: Frenzy kur loja të lançohet. Megjithatë, nuk ka asnjë shpjegim të mëtejshëm mbi lançimin e lojës. Që një burim të jetë i besueshëm, të paktën duhet të jepet informacion se çfarë dëshiron kompania të arrijë. Gjatë viteve të fundit, seria ka pasur 2 lojëra kryesore: Far Cry 5 dhe Far Cry: New Dawn
Megjithatë, nuk është hera e parë që shfaqen këto zëra. Komentuesit raportojnë se e kanë zbuluar dhe më parë këtë lajm. Ubisoft ende nuk ka thënë asgjë në lidhje me këtë çështje, duke e bërë situatën e dhe më misterioze.
Kur vjen puna te lojërat AAA, kompanitë nuk rrezikojnë shumë duke i lançuar ato pa një fushatë të mirfilltë marketingu. Sidomos kur vjen puna tek lojërat multiplayer, ekzistenca e të cilave bazohet vetëm te lojtarët që ia tregojnë ato miqve të tyre.
Shumë pyetje mbeten ende pa përgjigje në lidhje me këtë lojë falas Far Cry. A do të ketë një fazë beta? A do të jetë vetëm multiplayer? Cilat janë veçoritë e krijuesit të hartave? Ku do të zhvillohet loja? Shpresojmë që më shumë të zbulohet në javët e ardhshme, në mënyrë që të vendosim nëse duhet të jemi entuziastë ose nëse ky është thjeshtë një tjetër mashtrim