Lojtarët e Super Smash Bros. Ultimate padyshim që duhet të jenë entuziastë
Lojtarët e Super Smash Bros. Ultimate padyshim që duhet të jenë entuziastë
Lista e personazheve në Super Smash Bros. Ultimate është më e madhe se ç’mund ta imagjinonim përpara lançimit të lojës, por duket se ajo do të zgjerohet edhe më shumë pasi më shumë luftëtarë do të shtohen.
E dinim edhe më herët se një Fighter Pass i dytë do të vinte, por ditën e enjte drejtori i serisë Masahiro Sakurai zbuloi se ai do të përfshinte gjashtë luftëtarë të rinj. Ky pass i ri do të quhej Super Smash Bros. Ultimate Fighters Pass Vol. 2 dhe do të mund të bëhej pre-order duke nisur nga 28 janari.
Në prezantim, Sakurai konfirmoi se të gjashtë personazhet e rinj që do të vijnë janë caktuar, madje duke përmendur specifikisht se tweet-et që do të vijnë duke kërkuar personazhe specifikë me shumë mundësi nuk do të kenë asnjë efekt.
Asnjë prej gjashtë luftëtarëve ende nuk është zbuluar, por të gjithë lojtarët që do ta bëjnë pre-order këtë pass në 28 janar do të marrin si shpërblim kostumin Ancient Soldier për Mii Swordfighter.