Viti 2020 dhe 2021 nuk është se kanë lënë shumë hapësirë për romancën, me karantinime dhe mbyllje të hapësirave publike, por gjithsesi kjo nuk do ta pengojë ne të bëjmë një artikull për lojërat më të mira që mund të luani në këtë Shën Valentin.
Viti 2020 dhe 2021 nuk është se kanë lënë shumë hapësirë për romancën, me karantinime dhe mbyllje të hapësirave publike, por gjithsesi kjo nuk do ta pengojë ne të bëjmë një artikull për lojërat më të mira që mund të luani në këtë Shën Valentin.
Portal 2 është një nga lojërat më të mira për çifte. E disponueshme në Steam, loja balancon humorin bashkë me pazlla sfiduese. Co-op mode i lojës ofron një sërë ndryshimesh që e bëjnë sa argëtuese, aq edhe të vështirë.
Ju duhet të punoni si ekip, duke koordinuar portalet blu dhe portokalli, për t’u siguruar që nuk do të shkoni në fundin tuaj.
Nga ana e kundërt e spektrit kemi Animal Crossing, një lojë që literalisht të gjithë e kishin në ditët e famshme të Nintendo DS. Loja bëri një rikthim në 2020 me New Horizos në Switch.
Është një lojë shumë e përshtatshme dhe e lezetshme për çiftet.
League of Legends mund të duket disi e çuditshme në këtë listë, por bottom lane e Summoner’s Rift është bërë vend kyç romantik për Runeterra. Gjithashtu loja është e disponueshme për PC dhe luhet kollaj edhe në paisje jo shumë të avancuara, duke qenë perfekte për të gjithë.
Kush tha që esports nuk mund të jetë romantik? Thjesht sigurohuni që t’i bëni mute chatbox para se të futeni në lojë.
Nëse po kërkoni për një lojë më pak eksplozive, Stardew Valley është e duhura për ju. Ajo është e disponueshme në një sërë platformash dhe nuk është e vështirë për t’u gjetur.
Në thelb, loja duket e lehtë dhe paqësore, por ka më shumë se ç’ta pret syri dhe është gallatë ta luani me partnerin tuaj.
Ju ka marrë malli të shkoni në një koncert, të bëni shopping ose të frekuentoni klubet? Këto janë të gjitha gjëra që bota moderne i ndalon për momentin, por bota virtuale e Second Life i ka aty të gjitha për ju.
E disponueshme në Windows dhe Mac, loja është një open world masive pa asnjë objektiv konkret. Ajo është literalisht një jetë alternative ku ju mund të bëni çfarë të doni. Pasi ju dhe parteri juaj keni krijuar avatarët, mund të filloni të eksploroni së bashku.
Mund të duket si një zgjedhje e çuditshme të fusësh Valorant si lojë për çiftet, por shooter-i ekskluziv i Riot Games është qef për t’u luajtur dhe ku më bukur se thjesht të bësh qef me partnerin tënd. Spike Rush pastaj është një prezantim i shkëlqyer me universin e Valorant.