Si fillim të paktën
Si fillim të paktën
FIFA 21 është më në fund këtu, ose të paktën, early access i EA Play tashmë ka filluar dhe kjo do të thotë që fansat e FUT në të gjithë botën i janë futur punës për të ndërtuar skuadrat e tyre startuese.
Ultimate Team ka qenë gjithmonë në lidhje me mbledhjen e yjeve më të mirë nga e gjithë Europa dhe ligat më të mira të botës. Ju dëshironi avantazhin kundrejt kundërshtarëve tuaj, por gjithashtu dëshironi vlerë për paratë tuaja, kush nuk do ta dëshironte një skuadër të lirë dhe të mirë?
Këtu janë pesë skuadra, duke filluar nga 10k deri në 50k, që mund të nisin mjaft eksperiencën tuaj në FUT 21. Ka hibride me katër liga, fillestare të Premier League dhe disa këshilla se kush janë lojtarët më të mirë në FUT këtë vit; le të fillojmë.
Duhet të theksohet se, për shkak të kufizimeve buxhetore të secilës skuadër, jo të gjithë kanë 100 chemistry. Por të gjitha kanë minimumi 90, kështu që të paktën do të jeni në formë për sa i përket kimisë së ekipit.
Të gjithë e duan Premier League, ajo është bërë liga globale e futbollit në kohët moderne dhe transmetohet në televizion për çdo vend në botë. Ka kuptim të plotë atëherë që, ndërsa futeni në FIFA 21, do të dëshironi të filloni me kampionatin më të mirë të Anglisë.
Ky ekip fillestar 10k është i bazuar në një numër të yjeve të rinj të Anglisë, duke përfshirë perspektivën e Tammy Abraham të Chelsea në sulm dhe Mason Greenwood në krahun e djathtë. Bukayo Saka i Arsenalit është një rrezik edhe nga e majta.
Formacioni i ekuilibruar 4-3-3 lejon Phil Foden të ecë përpara, ndërsa Cheikhou Kouyaté dhe Youri Tielemans komandojnë nga mesi. Mohamed Salisu është thelbësor për mbrojtjen, ashtu si Andreas Christensen dhe 82 rating i tij.
PS4: 8.9k
Xbox One: 11.2k
PC Origins: 9.2k
Nëse Premier League nuk është preferenca juaj, atëherë Seria A e Italisë gjithmonë ofron plot vlerë për para në ditët e para të Ultimate Team.
Kjo skuadër e Serie A fokusohet në lojën në mesfushë dhe në një formacion 4-2-3-1. Andrea Belotti dhe Federico Bernardeschi sigurojnë aftësitë kryesore si organizatorë; Bernardeschi komandon mesfushën me 83 rating për pasa të shkurtra ndërsa Belotti e mban lojën në sulm.
Ndërtimi qendror i lojës, lejon që Gervinho (90 pace) dhe Manuel Lazzari (91 pace) të vrapojnë pas krahëve dhe të thyejnë mbrojtjen e hapur. Belotti atëherë do të futet në zonë, i gatshëm për të shënuar.
PS4: 9,9k
Xbox One: 10.8k
PC Origins: 9.5k
Me dyfishin e parave tashmë në xhepat tanë, 20 mijë, nga 10 mijë më parë, është koha të kalojmë në Spanjën me diell. La Liga ofron vlerë të mirë për para në fazat e hershme të FIFA Ultimate Team, dhe jep shumë shanse për të ndryshuar vazhdimisht skuadrën gjithashtu.
Pika qendrore e këtij formacioni 3-5-2 është Isco, i cili po luan si një mesfushor qendror i avancuar (CAM). Pasimi i tij 82, i ndërtuar rreth 83 vision dhe 84 dribbling, duhet t’i japin Kévin Gameiro dhe partnerit të tij spanjoll, Gerard Moreno, shumë shanse.
Skuadra ka Tello dhe Hernani në krahë për shpejtësi.
Mbrojtja e La Liga është gjithashtu solide, me tre mbrojtës qendrorë, Torres si sallaks, si dhe Ruben Vezo dhe Mandi, të ruajtur nga mesfushorët e tërhequr, Kondogbia dhe Rakitic.
PS4: 17.2k
Xbox One: 20.1k
PC Origins: 15,8k
Më në fund keni disa FUT coins pasi kompletuat objektivat e lojës? Epo, le të krijojmë një ekip hibrid që do t’ju ndihmojë deri të paktën në Weekend League e parë në Tetor.
Kjo skuadër prej 50k coins është e pajisur në një nga bishat më të lira në FUT deri më tani; sulmuesi i Red Bull Leipzig, Hee Chan Hwang. Superylli i Koresë së Jugut vjen i pajisur me skills me 3 yje, weak foot me 4 yje dhe një pace prej 93.
Sulmuesit anësorë të ekipit kanë të njëjtin pace të çmendur; Hakimi (94) dhe Diaby (93) do të jenë problem për çdo kundërshtar, veçanërisht me Konrad, Laimer, Marcel Sabitzer dhe Arturo Vidal që i furnizojë ata me pasa nga qendra e fushës.
Mbrojtja është vendi ku skuadra ndoshta nuk performon aq mirë. Bruno Peres dhe Kieran Tierney sigurojnë anët e mbrojtjes në këtë skuadër hibride të Premier League/Bundesliga/Serie A/La Liga, dhe dyshja braziliane David Luiz dhe Gabriel Paulista drejtojnë qendrën e mbrojtjes.
PS4: 50,3k
Xbox One: 57,4k
PC Origins: 49.9k
Skuadra e fundit që kemi gjetur është ndoshta një që duhet të mësoheni të luani kundër; të gjithë e duan një skuadër solide të Premier League, dhe FIFA 21 nuk do të jetë ndryshe.
Kjo skuadër është po ashtu shumë e shtrenjtë në Xbox One për momentin; ajo kap rreth 65k, që është 20k më shumë coins se në PlayStation 4 ose Origin PC.
Përkundër kësaj, është një skuadër fantastike. Antonio dhe Calvert-Lewin ofrojnë pace të mirë në një 4-4-2, me Podence dhe Willian që stresojnë mbrojtësit nëpër krahë me pace-in e tyre 92 dhe 82 respektivisht.
Duo e mesfushës së Rodri dhe Kovacic është vendi ku shkëlqen skuadra. Rodri mburret me një mbrojtje të fortë 82 dhe 80 fizike, ndërsa Kovacic i Chelsea mund të bëjë pasime majtas dhe djathtas me 83 passing të tij, dhe të rikthehet në mbrojtje me 75 pace për të rikuperuar topin.
Më në fund, Fredericks kompenson pace-in e 82 të Willian me 92 e tij. Në krahun e majtë, Davies mbulon vrapimet e Podence me 78 defending dhe 75 dribbling.
PS4: 46,4k
Xbox One: 65k
PC Origins: 46.4k
Pra, ju ku e keni; pesë skuadra fillestare për të nisur FIFA 21 Ultimate Team. Paçi fat!