Ka kaluar kaq shumë kohë që jemi në pritje të GTA 6, sa në këtë pikë është më mirë të pranojmë faktin që loja do vonohet dhe të fillojmë të shohim opsionet e tjera që kemi. Ndaj në këtë artikull do të shohim pesë lojëra që duhet të luani përpara se të dalë Grand Theft Auto 6.
1. YAKUZA 0/ YAKUZA: LIKE A DRAGON
Seria e GTA ka shumë gjëra fiks aty ku duhen: personazhet, satira dhe sensi i përgjithshëm i një ploti kinematik.
Seria e Yakuza nga ana tjetër jo vetëm që është një dramë krimi fantastike, por gjithashtu një lojë aksion që të mban vazhdimisht të ndërvepruar me të, me fokus të madh në combat. Yakuza: Like A Dragon është loja më e fundit e serive.
2. SLEEPING DOGS
Sleeping Dogs filloi të zhvillohej si një vazhdim në serinë e True Crime dhe është një lojë open-world që ka patur sukses në të shkuarën, por jo në shkallë të madhe. Seria si e tillë u ndërrua në “Sleeping Dogs”.
Sado që personazhet këtu mund të mos jenë më të mirët që janë zhvilluar ose shkruar ndonjëherë në historinë e gaming, combat dhe historia e rekuperojnë këtë gjë. Loja është përgjithësisht shumë qef për tu luajtur.
3. MAFIA: THE DEFINITIVE EDITION
Mafia origjinale doli diku nga koha e GTA III, kur zhanra open-world ishte super inovative dhe drejtimi që po merrte industria. Gjithsesi, Mafia vendosi të qëndronte si një eksperiencë lineare, e fokusuar më shumë në historinë e mirë se sa në të qenurit një lojë e gjerë open-world.
Si rezultat Mafia u vlerësua shumë. Mafia: The Definitive Edition ka shumë elementë sharmantë të marra nga loja origjinale, por sërish ja del të vijë si e re dhe origjinale.
4. WATCH DOGS 2
Shumë merita duhet t’i shkojnë Ubisoft për atë që ja doli të bëjë me Watch Dogs 2. Loja është përgjegjëse për një ndryshim total të imazhit të zhvilluesit si edhe për ringjalljen e një serie të tërë të saj.
Watch Dogs 2 është një lojë thjesht shumë e mirë për të mos e luajtur, duke u mbajtur si një nga punët më të mira të Ubisoft.
5. GHOST OF TSUSHIMA
Ghost of Tsushima është larg lojërave si GTA, si në tonalitet dhe në gameplay. Gjithsesi, ka shumë që Rockstar Games mund të mësojë nga Ghost of Tsushima e SuckerPunch. Kryesisht mënyra se si ata krijuan një open-world që i shërben narrativës.
Harta e Ghost of Tsushima kurrë nuk e zhgënjen lojtarin, sado që nuk klasifikohet si e madhe me standartet e sotme. Kjo është diçka që Rockstar duhet ta ketë në lojën e ardhshme të GTA.