Among Us është pa frikë loja më popullore e momentit. Ajo ka mundur të tërheqë vëmendjen e audiencave të ndryshme anë e mbanë botës. Ka disa lojëra të tjera që ndajnë të njejtat karakteristika me të, ndaj poshtë mund të lexoni pesë alternativat më të mira për lojëra si Among Us.
Enemy on Board është si Among Us përzier me League of Legends. Krijuesit e kësaj loje e kanë pranuar vetë këtë gjë. Ju do të filloni në stacione hapësinore me gjashtë anëtarë në grupin tuaj dhe dy alienë vdekjeprurës që do përpiqen t’ju kapin në çdo hap.
Enemy on Board është akoma në Early Access dhe merr updates rregullisht.
Një tjetër lojë multiplayer që i sjell lojtarët në një sagë hapësinore të mbushur me vrasje dhe mashtrime. Unfortunate Spaceman është frymëzuar nga gameplay i Among Us.
Ka një Monster që është fshehur mes grupit dhe që nuk do të hezitojë t’ju eleminojë gjatë lojës. Sado që gameplay është shumë i ngjashëm me Among Us, story mode i tij është i jep një frymë të freskët.
Project Winter bashkon elementët e një gameplay survival dhe ka brenda atë elementin e tradhëtisë si tek Among Us. Në lojë praktikisht duhet të mbijetoni në natyrë me ndihmën e të tjerëve si puna juaj, por tradhëtarët mund ti keni poshtë hunde, ndaj duhet të jeni vigjilentë.
Deceit është një lojë shumë e ngjashme me Among Us, por shumë më e frikshme dhe vdekjeprurëse. Loja është relativisht e errët dhe dallon nga lehtësia me të cilën vjen Among Us.
Kjo lojë na prezanton me një Game Master që i ka marrë lojtarët peng, tre nga të cilët janë infektuar nga një virus. Të infektuarit duket të hiqen si Innocents derisa të vijë koha që të vrasin dikë, ndërkohë që të tjerët tentojnë të mbijetojnë derisa mund të arratisen nga ata që janë Infected.
Secret Neighbor është vazhdimi multiplayer i lojës së famshme të quajtur Hello Neighbot, në të cilën lojtarët duhet të futen fshehurazi në bodrumin e frikshëm të komshiut të tyre për të shpëtuar një lojtar tjetër.
Në këtë variacion multiplayer, ju duhet të futeni sërish në bodrum për të shpëtuar një nga miqtë tuaj, por këtë rradhë një prej tyre është vetë fqinji juaj, por i maskuar. Ju duhet të shpëtoni mikun tuaj përpara se komshiu të mund t’ju izolojë dhe sulmojë.