Këto katër këshilla nga zhvilluesit e Apex Legends do t’iu ndihmojnë të përmirësoheni në lojë
Këto katër këshilla nga zhvilluesit e Apex Legends do t’iu ndihmojnë të përmirësoheni në lojë
Teksa shumë gjëra të reja po vijnë në Apex Legends, lojtarët e rinj po e gjejnë të përshtaten. Edhe pse Apex Legends përdor SBMM (skill-based matchmaking) përsëri është e vështirë. Një Redditor e shprehu ketë problem që ai kishte dhe dikush prej stafit të zhvilluesve të lojës i dha atij 4 këshilla.
Nëpërmjet një postimin në platformën Reddit, u/NightWillReign shpreh vështirësitë që ai ka hasur gjatë 60 orëve që ai ka luajtur Apex Legends. Në ketë postim ai shprehet se edhe pse në Silver, shumica e kundërshtarëve të tij janë tepër të mirë në shënjestër dhe pothuajse çdo lojë ai do të humb ose do të fitojë falë shokëve të tij të skuadrës.
Ai gjithashtu shton se pavarësisht praktikës së madhe që ai ka bërë e ka tepër të vështirë të gjuaj kundërshtarët e tij. Recoils janë tepër të vështira për t’u mësuar dhe ndonjëherë mendon se lojërat shooting nuk janë për të.
Mike Cook i cili është një pjesë e kompanisë zhvilluese të Apex Legends, Respawn Entertainment, i ka kthyer përgjigje duke i dhënë katër këshilla se si ai të përmirësohet në ketë lojë.
Këshilla e parë që ai i ka dhënë është që të mësojë recoil e armëve. Duke e mësuar ju do të kuptoni se si arma që keni funksionon dhe do të mund të gjuani kundërshtarin tuaj. Ju mund të praktikoheni fare lehtë në Firing range.
Këshilla e dytë që ishte që të kuptonte se si largësia funksionon në Apex Legends. Duke përdorur Firing range ju mund të gjuani kundërshtarët të cilët ndodhen në largësi të konsiderueshme.
Këshilla e tretë ishte që të parashikonit lëvizjet e kundërshtarit. Duke parashikuar lëvizjet e kundërshtarit ju mund të parashikoni vendin ku ai do të shkojë dhe më pas ju mund t’i gjuani ata duke iu dhënë një avantazh të madh.
Këshilla e katërt ishte se si të vendosni shënjestrën tuaj. Nëse kundërshtari juaj është afër jush, atëherë përpiquni ta vendosni shenjën në kraharor dhe recoil do bëjë që shënjestra juaj të ngjitet më lart dhe ta vrisni kundërshtarin tuaj lehtësisht.
Gjithashtu ai shton se edhe mënyra se si pozicionoheni dhe lëvizni ka rëndësi të madhe. Edhe nëse shënjestra juaj është “potato” ju mund të luani shumë mirë duke lëvizur dhe duke u pozicionuar nëpër vende strategjike.