Minecraft është një nga videolojërat më të dashura të krijuara ndonjëherë dhe ka qenë vërdallë si lojë për mbi dhjetë vite. Popullariteti i saj, pavarësisht gjithë kohës që ka kaluar, nuk duket të jetë në rënie.
Ndaj, për këdo që do ta luajë lojën, këto janë tre mënyra se si mund ta luani atë falas:
1. MINECRAFT CLASSIC
Në dhjetë-vjetorin e lojës, Mojang lançoi versionin Classic të Minecraft si një lojë falas në browser. Mojang donte që lojtarët të mund të rijetonin nostalgjinë e lojës fillestare.
Kjo do të thotë që mund ta luani lojën me 32 blloqet origjinale të saj. Klikoni linkun këtu për ta luajtur.
2. MINECRAF TRIAL
Mojang do të sigurohet që përpara se të përkushtoheni plotësisht në Minecraft dhe të blini çfarëdo version të lojës që mund t’ju interesojë, ju duhet të keni mundësinë ta provoni me dorën tuaj. Kjo është pikërisht arsyeja pse Minecraft Tiral është i disponueshëm të të gjitha platformat ku ndodhet edhe loja.
Ju mund ta luani këtë trial për 90 minuta, duke ju dhënë kohë të mjaftueshme për të kontrolluar interface-in e Minecraft dhe t’ju japë një ide se çfarë do të ketë në dyqan kur ta blini lojën.
3. MINECRAFT EARTH
Minecraft Earth është një lojë në Android e krijuar nga Mojang. Ky projekt është pak a shumë hapi i tyre i parë në botën e augmented reality. Loja është ende në early access dhe është e disponueshme falas në Google Play Store.
Ajo ndjek një logjikë të ngjashme me lojën origjinale të Minecraft, por praktikisht këtë rradhë mund ta sillni botën e Minecraft brenda botës dhe ambienteve tuaj.