Pas lançimit të saj PUBG Mobile u bë një fenomen në të gjithë botën. Gjithsesi, mund të konsiderohej deri diku si një lojë e sofistikuar, që kërkon një telefon me parametra të mira për tu luajtur dhe një lidhje të qëndrueshme interneti.
Për ata që nuk i kanë domosdoshmërisht këto gjëra, ose që thjesht po kërkojnë për pak variacion në lojërat e tyre mobile, këto janë disa nga alternativat më të përshatshme për lojëra si PUBG Mobile, nën 50 MB:
Stickman Battle Royale kombinon grafika 2D me gameplay-in fantastik të battle royale-it si ai i PUBG Mobile, për të sjellë një lojë argëtuese në telefona me parametra të ulët, pa Wi-Fi.
Kjo lojë ka si elementë të gameplay-it avatarë si shkopa që bien në një hartë dhe luftojnë kundër qindra kundërshtarëve të gjeneruar nga një AI, për të mbijetuar deri në fund. Me një hartë të madhe dhe një arsenal të gjerë armësh, kjo është një zgjidhje e zgjuar për të patur në telefon.
Nëse keni qenë ndonjëherë fans i PUBG Mobile dhe Minecraft, atëherë do e dashuroni Pixel Shooting 3D, pasi është një miksim i lezetshëm i këtyre dy lojërave.
Me grafika që të kujtojnë teksturat e pikseluara të Minecraft dhe gameplay të frymëzuar nga battle royale mode i PUBG, ajo ja del të jetë mjaft argëtuese si lojë. Plus është vetëm 17 MB.
Sado që ka shumë lojëra që kanë tentuar të imitojnë gameplay-in e PUBG Mobile dhe lojërave të tjera FPS si Call of Duty Mobile, Fire Battleground ja del të bëjë një punë të hajrit në këtë gjë. Ajo përfshin më shumë se një mode loje dhe ju jep zgjedhje kur vjen puna te gameplay.
Përtej kësaj kjo lojë ju lejon të luani si një komandant në fushën e betejës. Me mbi 1 milionë shkarkime dhe disa reviews pozitive, kjo lojë është një alternativë e mirë offline për PUBG Mobile.