RAUNDI 4: Fillon dhe mbaron të hënën më datë 13/8/18 (ndeshjet 433 – 464). I lutemi lojtarëve të ketyre ndeshjeve, të paraqiten gjatë live stream-it dhe të jenë gati dhe në pritje. Live Stream-i fillon në orën 18:00 dhe ne do të bëjmë më të mirën që t’i luajmë ndeshjet sipas rradhës përkatëse. Lojtarët që nuk do të paraqiten deri në fund të stream-it do të marrin -1 pikë dhe do të eliminohen. Nëse kundërshtari juaj është paraqitur por ju jo, do të keni mundësinë të luani deri në fund të stream-it të ditës së caktuar.
***Ju lutemi të mos na kontaktoni në messenger rreth paraqitjes suaj gjatë Live Stream-it. Pasi nuk mund të jemi në kontakt në kohë reale. Na kontaktoni në live stream chat!***
RAUNDI 5 & 6: Lojtarët që do të kualifikohen për raundin e pestë, do të fillojnë ndeshjet në datë 14/8/18 në orën 18:00.
YOUTUBE – https://www.youtube.com/c/GameONAlbania/live
CHALLONGE – https://challonge.com/gameonalbaniafortnite
Përshëndetje,
Ne nga GameON Albania duam t’ju njohim me të rejat më të fundit në lidhje me turneun tonë GameON Fortnite.
Para së gjithash, ju falënderojmë për pjesëmarrjen dhe mbështetjen tuaj ndaj GameON Albania. Ju keni tejkaluar të gjitha pritshmëritë tona dhe ne jemi shumë të lumtur që të gjithë ju të jeni pjesë e komunitetit tone.
Turneu ynë do të fillojë më 1 Gusht. Ne kemi konfirmuar të gjitha aplikimet tuaja. Ju lutemi të vizitoni linkun e mëposhtëm për të parë nëse ‘nickname’-I juaj Fortnite është përfshirë ose jo. Nëse keni aplikuar, por nuk mund të gjeni nickname’-in tuaj ose futeni gabimisht, ju lutemi të na kontaktoni përmes platformave tona të mediave sociale.
Ndeshjet do të fillojnë në 1 gusht në orën 18:00 me orën shqiptare. Në atë kohë, të gjithë admins-at tanë do të jenë duke bërë ‘live streaming’ dhe do të ftojnë secilin lojtar në një ekip prej 2 personash. Administratori do të hyjë në lojë me ju thjesht për t’ju monitoruar. Ju do të merrni 1 pikë për çdo vrasje dhe 10 pikë në rast se fitoni ndeshjen me një ‘Victory Royale’. Nëse dilni barazim, ndeshja do të përsëritet, përveç rasteve kur ju të dy keni 0 pikë, në të cilin rast, ne do të zgjedhim atë që është renditur më lart.
‘Camping’ nuk lejohet. Nëse ju bëni ‘camp’, dhe përparoni në ndeshjen e ardhshme për shkak të renditjes më të lartë, ju do të filloni ndeshjen e ardhshme me -1 pikë. Nëse ju dalloheni si një ‘camper’ dhe admins bien dakord, audienca në transmetimin e drejtpërdrejtë do të zgjedhë përmes një sondazhi nëse do të filloni me një -1 në ndeshjen e ardhshme apo jo.
Ju keni vetëm 1 shans për të luajtur mirë. Nuk do të ketë përsëritje për asnjë arsye. Nëse nuk na përgjigjeni ose nuk jeni online në kohë ju do të eliminoheni automatikisht. Administratori do të presë maksimumi 5 minuta për lojtarët që të përgjigjen dhe të bashkohen. Mbani në mend se lojërat do të luhen njëra pas tjetrës, në këtë mënyrë mund të vlerësoni përafërsisht kur është radha juaj për të luajtur. Do të ketë 4 deri në 8 administratorë në internet dhe ne po vlerësojmë çdo lojë të zgjasë afërsisht 10 deri në 15 minuta.
Kur të arrijmë në 16-shen e fundit, rregullat do të ndryshojnë disi. Secili lojtar do të luajë 2 ndeshje dhe një ndeshje e 3-të do të luhet vetëm në rast të një barazimi.
Ne ju urojmë të gjithëve fat!
Deri atëherë … GameON!