Me Sony që konfirmoi ardhjen e PS5 në fundvitin e ardhshëm, ka ende plot gjëra që janë në pikëpyetje për konsolën e gjeneratës së ardhshme. Këto janë 10 gjërat më të mëdha që dihen deri tani për PlayStation 5.
1. DO TË QUHET PS5
Kjo është diçka që të gjithë ne mund ta kishim hamendësuar, por e ke parasysh, ndonjëherë pa konfirmim zyrtar gjithmonë thua hajt se ku i dihet. Gjithsesi Sony ka ruajtur të njejtin emër brandi që në 1994 dhe edhe për projektin e saj të rradhës e ruajti traditën. Sistemi i ri do të quhet zyrtarisht PlayStation 5.
Njoftimi i emrit erdhi bashkë me lajmin që konsola do ti bashkohet Project Scarlett në lançimin e saj për fundvitin e 2020s. Dy gjenerata të ardhshme në në njejtën kohë…oof.
2. BLUEPOINT GAMES PO BËN NJË LOJË EKSLUZIVE PËR PS5
Loja e parë ekskluzive për PS5, që pasi Ghost of Tsushima u njoftua që do të vinte për PS4, mendohet të zhvillohet nga Bluepoint Games, studioja pas remake-ut të Shadow of the Colossus. Marco Thrush, presidenti i Bluepoint i tha Wired se skuadra e tyre është duke punuar me “një remake të madh për momentin”, por refuzoi të jepte informacione të mëtejshme për të. Thashethemet sugjerojnë se ky remake do të jetë për Demons’s Soul.
3. DIZAJNI I DEV KIT ËSHTË I PABESUESHËM
Përgjatë muajve të fundit, imazhe dhe skica nga një leak që doli për versionin e konsolës për zhvilluesit kanë qarkulluar nëpër internet, duke na treguar një konsolë në formë ‘V’-je me një sistem të avancuar ftohjeje që mund të shmangë problemin e freskueses së zhurmshme të PS4.
Wired ka deklaruar se ky dizajn duket shumë i ngjashëm me dev kit-in aktual, duke sugjeruar se leak-u që e nxorri këtë është i vlefshëm. Gjithsesi, Sony ka refuzuar të konfirmojë nëse modeli i zhvilluesve do të jetë i ngjashëm me atë që do të vijë në treg vitin e ardhshëm.
4. MENUJA E PS5 DO TË FOKUSOHET E GJITHA TE LOJËRAT
Kjo nuk është ndonjë surprizë e madhe, por Sony konfirmoi se ndërfaqja e PlayStation do të rimodelohet për PS5. Siç ka shpjeguar edhe arkitekti i konsolës, Mark Cerny, nuk ka nevojë që lojtari të hapë lojën për të parë se çfarë po ndodh në lojë.
5. JAPAN STUDIO dhe POLYPHONY DIGITAL po bëjnë demot
Për të demonstruar fuqinë dhe potencialin e PS5, Sony ka caktuar Polyphony Digital dhe Japan Studio për të krijuar demos. Kjo është diçka e veçantë specifikisht sepse Polyphony Digital është një nga mbështetësit kryesor të serive Gran Turismo. Tani do të marrë lojën e saj në PS4, GT Sport, që ta përshtasë me veçoritë e hardware-it të PS5.
SIE Japan Studio, studioja e brenshme e Sony që ka ndihmuar me prodhimin dhe zhvillimin e shumë lançimeve, përfshirë këtu edhe Astro Bot Rescue Mission PSVR, gjithashtu është ngarkuar me detyrën e të krijuarit demo të vogla të platformers për të treguar ‘haptics’ te controlleri. A mund të jenë Japan Studio dhe Polyphony Digital të përfshira në zhvillimin e lojës që do të vijë bashkë me lançimin e konsolës? Çdo gjë është e mundur.
6. PS5 DO TË SJELLË NJË DUALSHOCK TË TRANSFORMUAR
Sony ka konfirmuar se do të sjellë ndryshime të mëdha në controller-in e gjeneratës së ardhshme. Ende nuk është e konfirmuar nëse do të quhet DualShock gjithsesi. Sado që dizajni i saj do të jetë i ngjashëm me controller-in e PS4, do të ketë shumë përmirësime teknologjike poshtë sipërfaqes. Më konkretisht do të ketë një speaker të integruar dhe do të fokusohet në përmirësimin e eksperiencës së përdoruesit përmes haptic rumble.
Haptic do të zëvendësojë vibrimin tradicional, duke ju dhënë zhvilluesve mundësi më të mirë për ta sjellë aksionin e lojës direkt në majën e gishtave tuaj. Literalisht në majën e gishtave dmth, sepse butonat L2 dhe R2 do të zëvendësohen me ‘Adaptive triggers’ që mund të ofrojnë nivele të variueshme të rezistencës.
7. USB-C charging support
Kur vjen puna te controller-i i ri, është konfirmuar se ndër veçoritë e reja gjithashtu do të gjender një portë USB Type-C për karikim. Ky është një lajm shumë i mirë, mbi të gjitha për ata që janë të lodhur nga pirgu i kabujve në dysheme përpara TV. Gjithashtu është thënë se controller-i i ri do të jetë më i rëndë se DualShock 4.
8. DO TË MUND TË SHKARKONI PJESË TË NDRYSHME TË LOJËRAVE MË VETE
Sony ka konfirmuar se do të mund të shkarkoni pjesë specifike të lojërave nëse doni, në vend që të merrni të gjithë lojën e plotë. Kjo duhet ta ndihmojë goxha SSD tuaj me hapësirën e saj. Lojtarët do të kenë mundësi zgjedhje mes instalimit të pjesëve multiplayer ose single player të lojës, gjë që do ta rrisë shpejtësinë që duhet për tu futur në atë pjesë të lojës që vërtetë doni të luani.
9. PS5 DO TË KETË HARDWARE RAY-TRACING
Për fansat e hardware-it gjithashtu ka lajme të mira. Mark Cerny ka konfirmuar se “do të ketë ray-tracing në hardware-in e GPU-së.” Disa kishin spekuluar se ray-tracing në PS5 do të qëndronte në nivelin e software-it, por në të vërtetë mund të presim të shohim ndriçim dhe audio më realistike nga lojërat e PS5.
10. …4K dhe BLU-RAY
Konsola do të luajë në “100GB disqe optike” si edhe 4K blu-rays. Kjo është një veçori e këndshme, pasi PS4 Pro nuk përfshiu 4K blu-ray support. Nga pikëpamja e një loje, duhet ti japë zhvilluesve plot hapësirë për të futur botët e gjeneratës së ardhshme në të.