Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Nëse jeni duke kërkuar për një tastierë esports që ngjan bukur, kjo është një zgjedhje shumë e mirë
SteelSeries Apex M750 është një tastierë mekanike e cila ka si qëllim të tërheqë gamers të apasionuar në lojërat esports. Ajo vjen me një dizajntë thjeshtë, drita RGB fantastike dhe ofron një performancë mjaft të mirë për gamers. Megjithatë, tastiera çalon kur vjen puna tek eksperienca e shkrimit për kohë të gjata.
Në pamje të parë, Apex M750 duket qartë që është një tastierë e bërë për lojtarë profesionistë esports ose gamers që aspirojnë të bëhen të tillë. Tastiera është mjaft e vogël dhe e lehtë dhe opsionet e saj të shumta të ndriçimit padyshim që tërheqin shumë lojtarë. Megjithatë, kësaj tastiere i mungojnë disa opsione si butona ekstra, vend për të mbështetur kyçin e dorës ose një mënyrë për të organizuar kabllin e tastierës.
Apex M750 përdor switch-et e reja mekanike QX2 nga SteelSeries, që janë të ngjashme me switch-et Cherry MX Red. Switch-et janë lineare dhe butonat janë mjaft të lehtë për t’u shtypur dhe kthehen shumë shpejt në pozicionin origjinal. Edhe pse këto switch-e janë mjaft të mira për gaming, ato janë deri diku të bezdisura kur bëhet fjalë për të punuar në zyrë ose për të shkruajtur për orë të gjata, pasi janë shumë të zhurmshme.
Apex M750 nuk ka butona të dedikuar për macro ose për media, gjë që mund t’i bezdisë disa lojtarë, ndërsa disa të tjerve mund t’i pëlqejë. Tastiera vjen gjithashtu edhe me një numpad, gjë e cila është një komoditet ekstra, por e bën tastierën pak të bezdisur kur vjen puna për ta marrë me vete. Ajo që i shton kësaj tastiere shumë pikë është SteelSeries Engine, software që ofron vetë prodhuesi për këtë tastierë. Nëpërmjet tij, ju mund të ndryshoni funksionin e çdo butoni në tastierë, mund të krijoni profile individuale për lojëra individuale, si dhe të kontrolloni gjithashtu dritat RGB të tastierës.
SteelSeries duket se është fokusuar shumë për ta bërë këtë tastierë të duket sa më tërheqëse dhe me sa më shumë opsione ndriçimi. Nëpërmjet SteelSeries Engine, ju mund ta konfiguroni Apex M750 në një gamë shumë të madhe efektesh me drita. Por pjesa më interesante janë padyshim Engine Apps. Nëpërmjet tyre ju mund të lidhni tastierën tuaj me aplikacione dhe lojëra të ndryshme. Për shembull, ju mund të shkarkoni aplikacionin e Discord dhe tastiera mund të ndryshojë ngjyrën kur ju merrni notifications. Ju gjithashtu mund ta konfiguroni tastierën me lojëra si CS:GO, League of Legends dhe Minecraft, duke e bërë tastierën të tregojë statistika të ndryshme si jeta juaj në lojë nëpërmjet dritave.
Në përgjithësi, SteelSeries Apex M750 është një tastierë mjaft e rehatshme për të luajtur lojëra për një kohë të gjatë. Tastiera ka një pamje mjaft të bukur dhe nëpërmjet software ofron shumë opsione personalizimi për dritat dhe butonat e saj. Switch-et mekanike të japin mundësinë të luash lojëra shumë mirë, por janë të bezdisura për të shkruajtur, pasi janë të zhurmshme dhe jo aq të përshtatshme për të shkruajtur për një kohë të gjatë. Megjithatë, dizajni i thjeshtë dhe rezistent, pamja e bukur dhe opsionet që ofron SteelSeries Engine arrijnë ta bëjnë këtë tastierë një blerje të vlefshme.
Nëse jeni të interesuar për të blerë një SteelSeries Apex M750, ju mund ta bëni këtë gjë nëpërmjet Gjirafa50. Ju gjithashtu mund të përfitoni ulje 7%-30% duke përdorur kodin GAMEON. Por, ju gjithashtu keni edhe një mundësi tjetër për të fituar këtë mouse, pasi ne po bëjmë një giveaway ku do të dhurojmë një tastierë Apex M750 totalisht falas. Për të mësuar më shumë, shikoni videon më poshtë:
