Nate Fox dhe Jason Connell do të jenë ambasadorë të ishullit Tsushima.
Siç është raportuar më përpara, drejtori krijues i Ghost of Tsushima, Jason Connell dhe drejtori i lojës Nate Fox, do të bëhen të dy ambasadorë të përhershëm të turizmit për ishullin Tsushima. Nderimi është dhënë nga qyteti Tsushima në Nagasaki, ku kryetari i bashkisë së qytetit ka njoftuar për fillimin e një iniciativë të re turistike me mbështetjen e lojës, për të inkurajuar më shumë njerëz të vizitojnë ishullin që frymëzoi lojën e Sucker Punch.
“Connell dhe Fox përhapën emrin dhe historinë e Tsushima në të gjithë botën në një mënyrë kaq të mrekullueshme,” tha Kryetari i Bashkisë Hitakatsu, i qytetit Tsushima. “Biles, aspak habitëse, shumë njerëz japonezë nuk e dinë historinë e periudhës Gen-ko. Kur bëhet fjalë për botën, emri dhe vendndodhja e Tsushima është vërtet fjalë e panjohur, dhe për të qenë i sinqertë unë nuk mund t’i falënderoj mjaftueshëm që treguan historinë tonë me grafika të tilla fenomenale dhe me një histori të thellë “.
Aktualisht, ceremonia e nderit në të cilën do i jepet Connell dhe Fox është planifikuar të zhvillohet në mënyrë digjitale për shkak të pandemisë COVID-19. Sidoqoftë pasi ndalimet aktuale të udhëtimit të hiqen, kryetari i bashkisë Tsushima dëshiron të falënderojë të gjithë ekipin e zhvillimit në Sucker Punch duke i ftuar të vizitojnë ishullin dhe qytetin e Tsushima.
Ghost of Tsushima nuk ka qenë asgjë më pak se një sukses i shkëlqyeshëm për Sucker Punch që kur u lançua vitin e kaluar. Pasi shitën më shumë se 5 milion kopje në të gjithë botën nga nëntori i vitit 2020, lojtarët grumbulluan një total prej $260,000 për të ri-konstruktuar faltoren e vërtetë të ishullit, e cila pësoi dëme të konsiderueshme për shkak të një stuhie kohëve të fundit.
Gjithashtu ka pasur fjalë për një vazhdim të Ghost of Tsushima që ishte në zhvillim e sipër në Sucker Punch. Disa reklama pune nga Sucker Punch lënë të kuptohet se një lojë e re është në proces, pasi ata po kërkojnë për designer luftarakë që të njoh luftimet e Ghost of Tsushima dhe një tregimtar për të ndihmuar në tregimin e një përrallë të re të vendosur brenda Japonisë feudale.