Shumicën e kohës, Epic Games Store jep lojëra falas për përdoruesit e saj në mënyrë që ata t’i ruajnë ato në librarinë e tyre dixhitale të lojërave një herë në javë. Dhe këtë javë Epic Games është rikthyer përsëri duke zbuluar lojën falas për javën tjetër.
Cila është loja falas për javën tjetër në Epic Games Store?
Loja falas për javën tjetër në Epic Games Store është Rumbleverse e cila lançohet sot. Mesa duket përdoruesit e Epic Games Store duhet të presin që loja të vijë falas pas një jave. Bashkë me të, ju do të keni mundësinë që të merrni Boom Boxer Content Pack për Rumbleverse e cila iu sjell boxing headset, doreza, veshje, këpucë dhe më shumë.
Rumbleverse bashkë me Boom Boxer Content Pack do të vijë javën tjetër prej 18 gusht deri më 25 gusht falas prandaj mos harroni që ta merrni.
Momentalisht falas në Epic Games Store është Cook, Serve, Delicious! 3?! e cila është një lojë “me gatim” në një Amerikë të shkatërruar nga lufta në 2042. Teksa iu bashkohet një staf robotësh të quajtur Whisk dhe Clever, lojtarët duhet të marrin pjesë Iron Cook Foodtruck Championshop. Ky është një event ku lojtarët duhet të gatuajnë qindra receta nga më të ndryshmet duke përfshirë këtu ato që nuk i keni dëgjuar ndonjëherë duke kaluar qindra nivele të ndryshme.
Me pak fjalë ju do të jeni të ndikuar nga një matës kohe duke iu vendosur në një presion të madh por ju do të keni edhe një mode të quajtur Chill Mode.
Nëse jeni të mërzitur, ju mund të luani këtë me miqtë tuaj dhe të përmirësoni shumë gjëra si kamionin tuaj, katalogun e ushqimeve, dekorimin dhe më shumë.
Fatmirësisht Epic Games Store iu ofron lojtarëve të saj lojëra falas çdo javë të cilat ata mund t’i mbajnë falas pa asnjë lloj abonimi, ndryshe nga lojërat e Xbox Games Pass ose PS Plus të cilat duhet të keni abonim për t’i luajtur ose mund të largohen nga abonimi. Gjithashtu mos harroni t’i hidhni një sy listës sonë me lojërat falas në PC, Xbox dhe PlayStation.