Nje tjetër leak, dhe kësaj rradhe sërish i përket lojrave të Sony PS Plus shtator 2021. Bazuar në një postim tek Dealabs i cili ka bërë leak dhe më përpara lojrat e PS Plus, Shtatori do të vijë me tre lojra falas në PlayStation dhe janë përkatësisht Overcooked! All You Can eat, Predator: Hunting Grounds dhe Hitman 2.
Overcooked! All You Can Eat kombinon të dy lojrat primare (Overcooked! dhe Overcooked! 2) bashkë me të gjitha kontentet e shtuara “Të përziera sëbashku me një remaster në këtë Delicious Definitive Edition” në PS5, e kompletuar gjithashtu me një rezolucion 4K.
Dy lojrat e tjera të përfshira, Hitman 2 dhe Predator: Hunting Grounds janë të aksesueshme edhe nga lojtarët e PS4. Hitman ju çon në një udhëtim në botë ku ju duhet të ndiqni shënjestrat tuaja nëpër vende ekzotike me rërë. Loja do tju kalojë nga situatat me djell të nxehte deri tek pyjet e errëta. “Asnjë vend nuk është aq i sigurt nga vrasësi më kreativ i kohërave, Agjenti 47”.
Predator: Hunting Grounds është një lojë shooter mutiplayer asimetrike e cila vendos personazhet përballë predatorëve. “Hunt or be hunted” është motoja e grupit me të cilin do të bashkëpunoni për të përmbushur misjonet përpara se t’ju gjejnë predatorët… ose ti gjeni ju ata, sigurisht.
Ka ende kohë për të marre lojrat falas të gushtit për të gjithë ju që jeni lojtarë të Sony PlayStation. Kini parasysh që vetëm dy lojra mund të aksesohen nga PS4, Plants Vs Zombies: Battle of Neighborville dhe Tenis World Tour 2. Loja tjetër Hunter’s Arena: Legends është një lojë bonus e lojtarëve të PS5 pavarësisht se mund të luhet edhe në PS4.