E3 2019 do të jetë një event i madh për Xbox këtë vit. Kreu i Xbox Phil Spencer u shpreh në një podcast se prezenca e Microsoft këtë vit në E3 do të jetë më e madhe se kurrë dhe një nga arsyet përse do të jetë mosprezenca e rivalit kryesor, Sony.
Phil Spencer filloi duke thënë “E3 këtë vit do të jetë shumë gallatë për ne. Patëm një diskutim me njëri-tjetrin nëse duhet të japim maksimumin? Mos ndoshta duhet të kursejmë para? Si përfundim vendosëm që jo. Do të bëjmë më të mirën e mundshme dhe prezenca jonë në E3 këtë vit do të jetë më e madhe se kurrë. Është një mundësi që nuk mund të lihet pas dore.”
Kemi pesë muaj deri në eventi e E3 2019. Sipas Spencer Microsoft është duke menduar se kë mund të sjellë në skenë kompania. Gjithashtu janë ende duke diskutuar nëse duan të flasin për lojëra ose produkte që mund të vijnë në një të ardhme të largët ose të afërt.
Ndoshta konsoli i ardhshëm do të vijë më herët nga ç’mund ta mendonim.