Deri më tani kemi parë tre versione të Xbox One (Simple, S dhe X), por si duket ka mundësi të shohim një të katërt. Sipas një website-i që ka nxjerrë disa informacione përpara se ti zbulojë vetë Microsoft, një Xbox i ri është në punë e sipër për 2019.
Ky Xbox One nuk do ti përkasë familjes “Scarlett” dhe as nuk do të ketë një Blu-ray drive, që do të thotë se nuk do ta mbështesi versionin retail të lojërave. Arsyeja pse nuk do të ketë një disk-drive, gjithmonë sipas thashethemeve, është se Microsoft dëshiron ta reduktojë koston e pajisjes me 100 $.
Kjo nënkupton se versioni i ri do mund të luajë vetëm lojëra digjitale. Sipas burimit të informacionit Microsoft do të lançojë edhe një program të ri të quajtur, që do ju lejojë marrjen në versionin digjital të një loje që tashmë e keni.
I njëjti burim thotë gjithashtu se çmimi i Xbox One S do të bjerë. Gjithsesi të gjitha këto mbeten thashetheme deri në pikën e konfirmimit nga kompania.