Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Kjo deklaratë dashurie sapo ndodhi <3
Nëse keni qenë të mirëinformuar rreth gaming në 2016, gjasat janë që do e dini faktin që shefi i Epic Games, Tim Sweeney ka patur një antipati të fortë ndaj Microsoft. Në atë kohë ai vazhdimisht nxiste kontradita kundër Microsoft Store dhe besonte se Windows 10 do e bënte Steam (të vetmin PC store të kohës) më keq nga çfarë ishte.
Ky debat vazhdoi për pak kohë, por para pak muajsh zërat u shuan dhe as nuk dëgjuam më asgjë rreth tij. Tani gjashtë muaj më vonë nga e gjithë kjo situatë, Epic Games vendosi të çmendë gjithë gamerat e PC, duke krijuar një dyqan të tijin.
Normalisht me një ndryshim të tillë edhe opinioni i Tim Sweeney ndaj Microsoft do të ndryshonte. Në fakt duket të kemi një ndryshim si dita me natën në këtë pikë. Në një intervistë të kohës së fundit, themeluesi i Epic Games kishte vetëm llafe të mira për të thënë për kompaninë e Windows dhe Xbox.
“Epic është shumë i emocionuar për çdo gjë që është duke bërë Microsoft dhe nuk mund të ishim më të lumtur me orientimin që kanë marrë në platformat e tyre. HoloLens, Windows, Microsoft Game Pass, Windows Store, të gjitha për tu admiruar.
Pastaj kemi Xbox. Konsolat janë mjaft unike si paisje. Janë të bashkëngjitura me televizorin. Epic është shumë i kënaqur me punën e tyre.
Nëse ne do mblidhnim ca zhvilluesa dhe do bënim një konsol, me shumë mundësi do bënim diçka të ngjashme. Epic e do Microsoft.”
Tani se si duhet ti interpretojmë këto fjalë as ne nuk e dimë. A ka ndërruar mendje papritur dhe ka krijuar afeksion ndaj Microsoft, a është duke u treguar ironik, a është e gjitha ndonjë shenjë bashkëpunimi mbi të ardhmen. Mund të jetë secila nga këto, por një gjë e dimë me siguri, të gjithë jemi të shokuar.
