Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Drejtori i Xbox Phil Spencer thotë se ndihet mirë për çmimin e Xbox Series X
Xbox Series X pritet të lançohet gjatë këtij fundviti dhe ndërkohë që kemi shumë informacion mbi veçoritë e konsolës, nuk dimë asgjë rreth çmimit të saj. Dhe mesa duket, as Microsoft nuk janë plotësisht të sigurt. Në një intervistë, shefi i Xbox Phil Spencer tha se ka plane për çmimin e konsolës, por gjithashtu se ato mund të ndryshojnë përpara lançimit. Gjithsesi, Spencer tha se ndihet mirë për çmimin e konsolës, sidomos duke parë fuqinë e saj, por dhe çmimin e PlayStation 5.
Fillimisht duhet të vendosësh një çmim për veten dhe më pas të shohësh konkurrentët dhe të planifikosh ndryshime. Ndihem mirë për çmimin që do të arrijmë dhe performancën që arrin Series X. Po marrim shumë mbështetje nga Microsoft. Satya Nadella, CEO, Amy Hood, CFO, të gjithë janë shumë të lidhur me planet tona dhe ne do të sigurohemi që të qëndrojmë të shkathët me çmimin dhe që të kemi një plan të mirë përpara lançimit.
Duke parë vetë kuptimin e fjalës “i shkathët”, Spencer duket se do të thotë se çmimi i Xbox Series X do të varet nga ai i PlayStation 5. Megjithatë, problemi qëndron se Sony gjithashtu po pret që Microsoft të japë një çmim, me shumë mundësi për të njëjtën arsye.
Duke parë se sa kushton që të prodhosh Xbox Series X, rreth $500, vështirë që Microsoft ta lançojë konsolën për $400. Megjithatë, ka mmundësi që ajo të vijë për $450, por me shumë mundësi do të jetë diku tek $500. Me parametrat që do të sjellë Xbox Series X, nuk është një çmim aspak i keq. Megjithatë, duke parë krizën ekonomike që do të kalojë bota për shkak të pandemisë së COVID-19, vështirë që shumë të shpenzojnë $500 për një konsolë pa problem.
