Microsoft prezanton lançimin më të madh në historinë e Xbox

Xbox Series X dhe S janë suksesi më i madh deri më tani në historinë e Xbox

Xbox që prej shfaqjes për herë të parë ka qënë një prej konsolave më të fuqishme në treg dhe gjithashtu një ndër më të pëlqyerat. Së fundmi Microsoft lançoi linjën e re të konsolave Xbox të quajtur Xbox Series X dhe S të cilat kanë shënuar një sukses tepër të madh për kompaninë.

Sipas Xbox Wire, Microsoft ka arritur të realizojë disa nga qëllimet që kjo kompani kishte brenda 24 orëve të para të lançimit e cila u zhvillua në 40 vende të ndryshme të botës. Gjithashtu dihet që janë shitur goxha konsola Xbox Series X dhe S, numri i të cilave ka kaluar numrin e konsolave të shituara nga gjeneratat e kaluara. Konsola më e preferuar deri më tani nga fansat është Xbox Series S.

Një ndër arsyet kryesore për blerjen e këtyre konsolave ishte Xbox Game Pass. Pothuajse 70 përqind e njerëzve të cilët blenë një Xbox Series X ose S kanë të regjistruar në të një llogari ku janë abonentë të Xbox Game Pass. Xbox Game Pass iu ofron atyre një katalog të madh lojërash e cila përditësohet çdo muaj me lojëra nga më të ndryshmet.

Më shumë se 40 lojëra të optimizuara për këto konsola janë lançuar ketë janë duke filluar që prej Watch Dogs: Legion, Yakuza: Like A Dragon, Assassin’s Creed Valhalla dhe shumë të tjerë. Këto lojëra janë një tërheqje e madhe për lojtarët të cilët e vlerësojnë ketë si një lëvizje tepër të zgjuar nga ana e Microsoft.

Edhe pse ndonjëherë njerëzit kanë hasur probleme me konsolen e tyre të re, në përgjithësi lançimi i gjeneratës së re të konsolave Xbox ka qënë një sukses i madh. Gjithashtu Microsoft po përpiqet që të sjellë Xbox Series X dhe S në tek shitësit lokal duke u siguruar që çdokush që e dëshiron ketë konsole të ketë mundësinë ta blejë.