Një lojtar çmendet pasi harxhon 500 euro për një Xbox Series X të prishur

Një lojtar nuk ngeli dhe aq i kënaqur nga blerja e tij le të themi, pasi u përpoq të blinte një Xbox Series X të dyshimtë, duke e cilësuar atë si një “tullë të madhe që më kushtoi 450£”.

Dane Weymes nga Hull, bleu konsolin nga Smyths Toys kur dyqani hapi dyert të martën (10 Nëntor).

Sidoqoftë, ekzaltimi i 26-vjeçarit shpejt u kthye në dëshpërim kur ai u përpoq të përdorte konsolin next-gen, duke pretenduar se ajo vazhdonte të bënte crash dhe dukej se ishte krejtësisht e ‘vdekur’.

Duke folur për blerjen zhgënjyese, Dane tha se Smyths Toys i tha atij se do të duhej të kontaktonte me Microsoft për problemin, por thotë se gjigandët e teknologjisë nuk i kanë kthyer përgjigje.

Ai i tha Hull Daily Mail: “Unë porosita paraprakisht Xbox Series X dhe e mora atë nga Smyths në 7 të mëngjesit, por sapo e mora në shtëpi, ajo thjesht nuk funksiononte.

“Unë kam qenë duke u përpjekur të merrem me të dhe ta rregulloj gjatë gjithë ditës, por bën crash gjatë gjithë kohës, tregon pika të gjelbra kudo dhe askush nuk është në dispozicion për të më ndihmuar, kështu që unë kam ngelur me një konsol të vdekur.”

“Jam me të vërtetë i zhgënjyer që nuk mund ta vë në punë dhe që Microsoft nuk më është përgjigjur. “Unë kam pritur me muaj për të dhe pastaj do të mbetem me të për muajt e ardhshëm nëse nuk mund të rregullohet, pasi ato janë shitur kudo.

“Të gjithë konsolat ​​e miqve të mi Xbox Series X janë duke funksionuar, por unë kam parë në Twitter se dikush tjetër kishte të njëjtin problem kështu që janë më shumë si unë me këtë problem.”

Ai shtoi: “Unë kam mbetur në errësirë ​​dhe me të vërtetë po prisja me padurim të luaja Call of Duty dhe Assassin’s Creed të ri, pasi loja mund të përdoret vetëm në këtë konsol next-gen.”

Dhe ju ankoheni që nuk keni, imagjino ta blesh Xbox Series X dhe të të mos punojë. :/