Ndoshta Xbox Live mund të jetë një vend toksik si të gjithë gaming networks. Fatkeqësisht, aty ku ka biseda zanore, ka gjithmonë potencial që njerëzit të jenë përgjithësisht të pakëndshëm, sepse me sa duket kjo është një mënyrë e mirë për të kaluar kohën tuaj nëse nuk keni ndjenjën e përshtatjes.
Epo, padyshim që kjo nuk është një surprizë për ekipin e Xbox. Por në fillim të kësaj jave, një nga krijuesit e Xbox, Seamus Blackley, shkoi në Twitter për të shprehur përbuzjen e tij për gjendjen e shërbimit.
Kjo vjen pasi një streamer, Grenade Queen, postoi një klip në Twitter në të cilin ajo ngacmohej verbalisht nga lojtarët e tjerë në Halo Infinite. Lojtarët bëjnë një sërë komentesh nënçmuese, duke përfshirë duke i kërkuar asaj që të largohet. Ajo shkroi në Tweet: “Asnjë femër nuk duhet të merret me këto fjalë nëse ato nuk po kalojnë një lojë të mirë kundra disa lojtarëve të fortë. Kjo ishte vetëm një pjesë e asaj çka unë dëgjova.”
Duke bërë reply postimin e saj origjinal, Blackley tha: “Kjo nuk ishte e ardhmja për @Xbox Live që ne parashikuam. Si komunitet dhe me ndihmën e @Microsoft kjo duhet theksuar dhe ndalur. Do të duhet punë ekipi midis lojtarëve, zhvilluesve dhe prodhuesve të konsolave për ta ndryshuar këtë dhe tani është koha. Madje ka kaluar koha.”
Shumë përdorues të Twitter iu përgjigjën pozitivisht ndjenjës së Blackley, por të tjerë theksuan se e gjithë kjo po vjen shumë vonë: “Ju e keni lënë në këtë gjendje për një kohë të gjatë. Ju nuk bëni BAN njerëzit për këtë, rrallë i dënoni përkohësisht, dhe kjo thjesht vazhdon të ndodhë pa pushim”, ka shkruar @fiaanaut. “Ekziston një numër i madh fansash femra me të ardhura të disponueshme që janë të gatshme të shpenzojnë para për produktin tuaj. Bëjini ato të ndihen të mirëpritura.”
Duke shtuar në rrjetin e tij në Twitter, Blackley – i cili nuk punon më në Xbox, pasi u largua nga Microsoft në 2002 vazhdoi: “Unë e di që kjo nuk është gjë e re. E di që jeni të zemëruar sepse asgjë nuk është bërë për një kohë të gjatë. Keni të drejtë. Kjo vetëm më motivon më shumë. Është e mundur ti pastrojmë këto komunitete. Le ta bejme.”