Gjithmonë matchmaking në Call of Duty: Warzone ka qenë një mister më vete dhe kryesisht fansat kanë sjellë goxha teori të ndryshme. Së fundmi një ish-punonjës i Activision-Blizzard ka deklaruar se sistemi matchmaking është i bazuar në microtransactions.
Sipas këtij ish-punonjësi të Activision-Blizzard, sistemi matchmaking në fakt nuk është SBMM(skill-based matchmaking) ku lojtarët përballen me lojtarë të cilët janë në të njëjtin nivel por është i bazuar në se sa para shpenzojnë ata në lojë.
Në një postë te vjetër në Reddit, personi në fjalë është shprehur se Activision përdor një algoritëm të veçantë e cila llogarit aftësitë tuaja në lojë, sa para keni shpenzuar dhe armën tuaj të preferuar.
Ky sistem bën që lojtarët të cilët shpenzojnë para në lojë të përballen kundër lojtarëve më të dobët të cilët kanë të njëjtën armë të preferuar. Gjithashtu thuhet se lojtarët të cilët vriten nga personi që ka shpenzuar para kanë një tendencë për të blerë skins e armës me të cilën janë vrarë në Warzone.
E gjithë kjo gjë e bën Warzone të duket sikur është një lojë pay-to-win. Akoma nuk e dimë nëse e gjithë kjo gjë është e vërtetë dhe presim që Activision të reagojë ndaj kësaj teorie ose akuze.