Warzone sjell një hartë të re në Oqeanin Paqësor

Lojtarët e Call of Duty: Warzone mund të presin një udhëtim në Paqësor më vonë këtë vit në një hartë të re me points of interest të reja dhe një mjedis unik për t’u eksploruar, njoftoi Activision.

Harta e re e Paqësorit në Warzone do t’i çojë lojtarët në një ishull të harlisur – dhe do të vijë “më vonë këtë vit”. Kjo hartë përmban një mjedis krejtësisht të ri. Teaser i shkurtër tregon një mal të madh, pyje të dendura, shpella me ujëvara dhe atë që duket se është një teatër i quajtur Royale. Ka gjithashtu dhjetëra ndërtesa përgjatë vijës bregdetare dhe një kullë radioje në distancë, që do të thotë se lojtarët mund të presin një larmi ambientesh.

Harta e Paqësorit do të jetë një kontrast i fortë me Verdansk, i cili është i njohur për gamën e tij të ngjyrave më të errëta dhe estetikë dukshëm të ndryshme. Shumë fansa janë të ngazëllyer për hartën e re të ndritshme dhe të gjallë, e cila duhet të ofrojë një ndryshim të mirë të ritmit.

Është e paqartë se kur do të dalë harta e re e Warzone, por pritet të dalë në vitin 2021. Tifozët ka të ngjarë të mësojnë më shumë informacion në lidhje me hartën e re gjatë muajve të ardhshëm.