Warcraft do të vijë në Mobile me Warcraft Arclight Rumble, njoftoi Blizzard Entertainment. Warcraft Arclight Rumble, një lojë strategjie aksioni me ritme të shpejta dhe pa pagesë, e krijuar për pajisjet Android dhe iOS, do të dalë në treg më vonë këtë vit.
Në Warcraft Arclight Rumble, lojtarët do të luftojnë me Warcraft Mini të koleksionueshme, sipas përshkrimit të lojës në Google Play Store dhe faqes së saj zyrtare të internetit. Loja mobile Warcraft do të shfaqë një “campaign masiv single-player” në 70 misione dhe beteja PvP, thotë Blizzard. Modalitete të shumta, duke përfshirë Conquest, Dungeons, Raids dhe Co-Op, janë premtuar në faqen e internetit të lojës.
Lojtarët do të marrin kontrollin e një ushtrie minish të krijuar për t’u dukur si miniatura tavoline, duke përfshirë personazhe heronj si Jaina Proudmoore dhe Grommash Hellscream. Blizzard premton mbi 65 mini dhe personazhe Warcraft nga pesë familje të luajtshme: Alliance, Horde, Beast, Undead dhe Blackrock. Lojtarët do të jenë në gjendje të rrisin nivelin e heronjve të tyre dhe të bëjnë ‘unlock’ aftësi të veçanta, dhe ata do të jenë në gjendje të marrin pjesë në sfidat javore dhe mujore në Warcraft Arclight Rumble, thotë Blizzard.
Një vështrim në lojën Warcraft Arclight Rumble është në videon më poshtë:
Lojtarët e interesuar mund të regjistrohen paraprakisht për Warcraft Arclight Rumble përmes faqes së internetit të lojës dhe Battle.net.