Dominotë do fillojnë të zëvëndësohen me controllers, PC dhe celularë?!
Dominotë do fillojnë të zëvëndësohen me controllers, PC dhe celularë?!
Njerëzit e moshuar po kthehen gjithnjë e më shumë tek lojërat, teksa popullsia moshohet dhe lojërat bëhen gjithnjë e më popullore, sipas të dhënave të reja të publikuara nga AARP, një grup interesi me bazë në SHBA, i cili vepron në emër të njerëzve të moshës 50 e lart. Lojtarët në atë grupmoshë janë rritur në mënyrë të konsiderueshme që nga viti 2016, konstaton studimi, me 44% të asaj popullate që luajnë video lojëra të paktën një herë në muaj.
Studimi bazohet në 3.700 përgjigje individuale në një anketim online, dhe AARP llogarit se tani ka afërsisht 51 milion të moshuar që luajnë rregullisht lojëra në SHBA, nga rreth 40 milion në 2016. Përhapja më e madhe është midis lojtarëve të moshës 50-59 vjeç dhe midis grave. 49% e grave të moshës 50 vjeç e lart thonë se janë lojtarë, krahasuar me 40% të burrave në atë grupmoshë. Në mesin e tyre, 53 përqind e grave thonë se luajnë çdo ditë, ndërsa 39% e burrave raportojnë të luajnë çdo ditë.
Lojërat mobile i kanë bërë videolojërat më të arritshme për popullatën e vjetër, dhe shumica e të moshuarve amerikanë që luajnë lojëra e bëjnë këtë në pajisje celularë. Ata kanë eklipsuar laptopët dhe PC si platforma e zgjedhjes për lojtarë të vjetër: Në vitin 2016, 59% raportuan lojëra në laptopë dhe kompjuterë, dhe 57% thanë se ata luanin në telefona dhe pajisje të tjera mobile.
Por këto përqindje kanë ndryshuar: Tani, vetëm 47% e të moshuarve thonë se luajnë lojëra në PC, ndërsa 73% raportojnë se luajnë në telefon.
Por çfarë do të thotë kjo për të moshuarit që jetojnë në trevat shqiptare? Fatkeqësisht ne nuk arritëm të gjenim statistika të përngjashme, kështu që… do të mjaftoheni me mendimin tonë.
Në përgjithësi moshat e treta në Shqiperi janë, …jo shumë miqësore ndaj videolojërave. Nuk përbën ndryshim fakti nëse luani në console, PC ose thjesht në celular, ndaj një personi të moshuar, një videolojë do të lidhet gjithnjë me diçka “fëminore”, e cila pasi kalon një moshë të caktuar, “je shumë i rritur për to”. Një perceptim ky që përfshin shumicën e këtij brezi dhe specifikisht, grupmoshën 65+. Megjithatë, sa për individë më të rinj, le të themi grupmoshën 50-65 vjeç mund të themi që ata janë gjithnjë e në ndryshim ndaj këtij perceptimi. Duke “rënë pre” vazhdimisht ndaj teknologjisë së re në smartphones; ata hedhin hapa të vazhdueshëm ndaj inovacionit në këta telefona, dhe pjesë e kësaj eksperience janë dhe lojërat mobile. Parë nga kjo grupmoshë si një formë e kalimit të kohës. I tillë fenomen është gjithnjë në rritje dhe nga popullsia e lojtarëve në komunitetin e të moshuarve në Shqipëri do të rritet në vitet e ardhshme.