Një modder zbuloi një mënyrë për të zvogëluar load time me 70% dhe duket se i ka tërhequr vëmendjen Rockstar – fatmirësisht, këtë herë nuk e ndaloi mod-in në fjalë. Në vend të kësaj, një loading time fix u zbatua në patch-in aktual.
Për ta shpjeguar me termat më të thjeshta, t0st raportoi në Github-in e tij se ka një single-thread CPU bottleneck kur GTA Online fillon të ngarkohet dhe loja harxhon shumë kohë duke lexuar informacion të tepërt nga një file 10 MB JSON gati 2 miliardë herë ndërsa përpiqet të fillojë lojën. Ai përmirësoi shpejtësitë e load time duke e ulur atë nga 6 minuta në pak më pak se 2 minuta.
Në një update të ri për atë postim, t0st thotë “Sapo morra një shpërblim prej $10000!” përmes programit bug bounty të Rockstar për gjetjen e problemit, i cili zakonisht përdoret vetëm për çështje të mëdha të sigurisë. t0st shton “Unë u përpoqa të kërkoja më shumë detaje teknike, por ata nuk më dhanë më shumë informacion”.
Vetë Rockstar ka deklaruar se “pas një hetimi të plotë, ne mund të konfirmojmë që lojtari t0st, në fakt, zbuloi një aspekt të kodit të lojës në lidhje me load time për versionin PC të GTA Online që mund të përmirësohej. Si rezultat i këtyre hetimeve, ne kemi bërë disa ndryshime që do të zbatohen në një update të ardhshëm.”
Rockstar shkroi në Twitter të martën se tashmë një update i ri është në dispozicion për GTA Online. Në shënimet patch, kompania falënderon t0st për kontributin e tij.
A new Title Update is now available for Grand Theft Auto V and GTA Online, including improvements to load times on the PC version of GTA Online. More details here: https://t.co/km0bE8AcIN
— Rockstar Support (@RockstarSupport) March 16, 2021
Rezultatet janë menjëherë të dukshme. Komuniteti GTA Online në Reddit ka postuar gjetjet e tyre dhe po sugjeron ndryshime edhe më spektakolare. Ne nuk mund t’i verifikojmë këto, por deri tani ka pasur një numër dërrmues të lojtarëve që thonë se kanë parë një përmirësim masiv.