Update 1.4 i Genshin Impact do të vijë me një skin të ri

Fansat e Genshin Impact janë duke kaluar një javë plot evente. Pas publikimit të shumëkërkuar të Hu Tao banner, Moment of Bloom, miHoYo po sjell evente speciale për update-in 1.4. Update-i thuhet se do të publikohet në datën 17 mars, dhe fansat kanë shumë për të pritur.

Duke filluar që nga karakteri i ri, Rosaria, deri tek rikthimi i Venti, miHoYo është siguruar që ky update do të jetë update-i më i madh i lojës, që do të shoqërohet edhe me shtimin e një dating sim të cilin fansat mezi po e presin. Një nga njoftimet që u thanë në livestream ishte bashkpunimi me KFC, edhe pse ishte bërë leak kohë më parë, miHoYo e bëri zyrtare gjatë livestream-it.

Si pjesë e këtij bashkpunimi fansat do të munden të marrin një skin ekskluziv në lojë në qoftë se ata blejnë Diluc and Noelle KFC bucket.

Por si do të kenë mundësinë fansat jashtë shtetit të Kinës të marrin këtë skin ekskluziv?

Edhe pse ky event është live në Kinë, lajmi i mirë është se ky skin do të jetë i disponueshëm edhe për fansat jashtë Kine. Sidoqoftë, problemi qëndon që ky skin ekskluziv nuk do të jetë i disponueshëm për këta fansa deri në muajin korrik. miHoYo ka bërë me dije se detaje të mëtejshme rreth publikimit të këtij skin-i do të vijnë shumë shpejt.