Vazhdimi i Luftës Ruso-Ukrainase ka bërë që dy furnizues ukrainas të neonit të pushojnë prodhimet dhe kjo nga ana tjetër ka të ngjarë të ndikojë në mungesën globale të semiconductors, sipas një deklarate nga një analist i firmës kërkimore të investimeve.
Dy kompanitë janë Ingas dhe Cryoin, me seli përkatësisht në Mariupol dhe Odesa. Këshilltari i Ministrisë së Brendshme të Ukrainës, Vadym Denysenko, raportoi se Mariupol është totalisht i rrethuar dhe se situata është “kritike” në qytetin port pasi banorëve u është ndërprerë energjia dhe uji për më shumë se një javë. Sot, ushtritë ruse kanë sulmuar një xhami ku ishin strehuar 80 civilë. Në momentin e shkrimit, duket se nuk ka pasur viktima.
Odesa, nga ana tjetër, është një vend kryesor për Ukrainën dhe Rusinë dhe anijet e marinës ruse janë identifikuar pranë ujërave territoriale të Ukrainës. “Nëse Rusia pushton Odesan, ajo do ta ndërpresë Ukrainën nga tregtia dhe ndihma ushtarake jashtë shtetit”, tha profesori i asociuar i sigurisë kombëtare dhe studimeve strategjike në Universitetin Curtin, Alexey Muraviev në një intervistë për Al Jazeera.
Ingas dhe Cryoin furnizojnë afërsisht 45 deri në 54% të neonit të klasës semiconductors në botë, i cili përdoret për lazer për prodhimin e çipave kompjuterikë. Edhe duke marrë parasysh efektin që pati kriza e koronavirusit në ekonomi, konsumi global i neonit për prodhimin e çipave arriti në 540 tonë në vitin 2021, në bazë të vlerësimeve nga firma e kërkimit të tregut Techcet.
Konkretisht, Ingas do të gjeneronte 15,000 deri në 20,000 metra kub neoni çdo muaj përpara pushtimit për klientët në Tajvan, Kore, Kinë, Shtetet e Bashkuara dhe Gjermani. Rreth 75% e kësaj u konsumua nga industria e çipave, tha shefi komercial Nikolay Avdzhy në një email për Reuters. Për më tepër, drejtoresha e zhvillimit të biznesit të Cryoin, Larissa Bondarenko deklaroi se kompania ka rezerva për tre muaj për të përmbushur urdhrat gjatë mbylljes, por nëse pajisjet e saj goditeshin nga ndonjë prej sulmeve që po ndodhin në Odesa, atëherë kompania do të shkatërrohej financiarisht nga riparimet.
Stoqet e semiconductors tashmë ishin të kufizuara si rezultat i pandemisë dhe sesi qendrat dhe rrjetet e fabrikave në vendet aziatike u mbingarkuan nga rritja e papritur e rasteve të koronavirusit. U imagjinua se kjo mungesë do të ishte rrafshuar në vitin 2023, megjithatë, ky ndërlikim i ri mund të bënte që kjo dritare e pritshme të mbyllej në të ardhmen.