Së fundmi Ubisoft ka zbuluar afërsisht një orë gameplay në Xbox Series X nga loja e tyre, Far Cry 6, e cila pritet që të vijë së shpejti. Por çfarë na tregon ky gameplay?
Gameplay në fjalë vjen nga llogaria e Ubisoft North America në YouTube ku në të cilën mund të shohim drejtuesin narrativ të lojës, Navid Khavari i cili na tregon më shumë rreth lojës. Në videon e treguar mund të shohim se si ju do të çlironi El Este Region.
Gjithashtu ju mund të shikoni shumë prej armëve të cilat do të jenë pjesë e arsenalit të lojës. Këtu mund të përfshijmë Nail Gun, Revovler Shield Combo dhe një pajisje të cilën e mbani në kurriz dhe që mund të lëshojë raketa.
Dhe diçka e cila duhet përmendur janë Fangs for Hire. Fangs for Hire janë kafshë të cilat do t’iu shoqërojnë dhe ndihmojnë në misionet tuaja. Në gameplay e shfaqur pamë qenushin Chorizo, krokodilin Guapo dhe më të rëndësishmin ndër tyre, gjelin Chicharrón.
Far Cry 6 pritet që të vijë në Xbox Series X|S, Xbox One, PlayStation 5, PlayStation 4 dhe PC më 7 tetor të këtij viti.