Rainbow Six Extraction nuk është lançuar akoma dhe Ubisoft ka vendosur që të sjellë disa ndryshime të mëdha për lojën e cila pritet të vijë së shpejti.
Një ndër ndryshimet kryesore që ka ardhur është ndryshimi i çmimit, i cili nga 60 dollarë amerikanë, do të zbritet në 40 dollarë. Gjithashtu të gjithë ata që e kanë bërë pre-order para ndryshimit të çmimit do të marrim një refund të diferencës.
Është diçka e rrallë që një lojë të pësoj një ulje të tillë në çmim sidomos disa muaj para lançimit të saj. Por të themi të drejtën, besojmë se ky ndryshim në çmim i përshtatet goxha mirë Rainbow Six Extraction e cila është një spin-off i universit të Siege.
Gjithashtu diçka e re që do të vijë është se çdokush që ble lojën do të marrë dy Buddy Pass tokens të cilat mund t’ua jap dy miqve të tij. Miqtë në fjalë do të kenë mundësinë që të shkarkojnë një version trial të lojës e vlefshme për 14 ditë.
Rainbow Six Extraction është një spin-off i universit të Siege e cila sjell PvE co-op midis tre vetave. Qëllimi juaj kryesor është të mundni një racë aliene e cila po përpiqet të pushtojë Tokën. Loja pritet të vijë në janar të vitit 2022.