Ubisoft njoftoi një bashkëpunim me Venum, prodhuesi kryesor në botë i pajisjeve sportive luftarake dhe veshjeve për të krijuar një linjë ekskluzive produktesh të frymëzuara nga Assassin’s Creed Valhalla. Koleksioni, që synon të transformojë fansat në mbarë botën në Vikingët e ditëve të sotme, është në dispozicion tani dhe përfshin një bluzë, xhup, kapele, doreza boksi.
Franck Dupuis, Themelues dhe CEO i Venum ka thënë: “Jemi shumë të lumtur të njoftojmë këtë bashkëpunim me Assassin’s Creed Valhalla. Aktualisht po krijojmë partneritete që shkëputen nga ajo që marka ka bërë që nga krijimi i saj, me qëllim që t’i hapemi një target grupi të ri, i cili në shikim të parë është shumë larg fansave të sporteve luftarake, por që e njeh plotësisht veten në vlerat e bartura nga marka.”
Franck Dupuis shtoi gjithashtu: “Ky bashkëpunim me Assassin’s Creed, një referencë e vërtetë globale për videolojërat, është edhe një herë një shenjë e njohjes së suksesit të strategjisë sonë të diversifikimit dhe demokratizimit për markën”.
Sarah Buzby, zëvendëspresidente e produktit konsumator në Ubisoft ka njoftuar: “Ne jemi entuziastë për të bashkëpunuar me Venum për të shkuar përtej video lojërave, duke e përkthyer universin Valhalla në një koleksion unik kapsulash për fansat e Assassin’s Creed në mbarë botën.”
Lidhja midis të dy markave është e natyrshme, e bazuar në vlera të përbashkëta si elasticiteti, përkushtimi dhe tejkalimi i limiteve. Frymëzuar nga e zeza e natës nordike dhe bluja e dritave veriore, ky koleksion fton të gjithë të udhëtojnë në botën e vikingëve duke shfaqur sigilat e traditës vikinge dhe nëpërmjet përdorimit të materialeve tipike, si nga bota e vikingëve ashtu edhe e boksit, si lëkura dhe copat e leshta të marra nga kafshët.