Ubisoft mund të shitet së shpejti

Me blerjet e mëdha që janë bërë së fundmi në industrinë e gaming, një raport nga Bloomberg ka raportuar se blerje të tjera do të vinë së shpejti dhe me shumë mundësi Ubisoft do të jetë objektivi i radhës.

Në raportin e shkruar nga Bloomberg, shumë kompani private si Blackstone Inc. Dhe KKR & Co. kanë qenë duke studiuar tregun francez duke lënë të besohet se interesi i tyre ka qenë drejt Ubisoft. Por deri më tani asnjë kompani nuk është kompani nuk është në bisedime ose negociata serioze me Ubisoft.

Një raport tjetër vjen edhe nga Kotaku i cili ka raportuar se shumë punonjës aktual dhe të vjetër të Ubisoft kanë pranuar se kompania do të shitet së shpejti tek dikush. Edhe Ubisoft vetë e ka pranuar faktin që është i hapur për shitje.

Por problemet që Ubisoft ka patur së fundmi, kanë bërë që shumë punonjës të ankohen dhe të mblidhen dhe t’i kërkojnë drejtuesve të gjejnë zgjidhje për këto probleme. Gjithashtu edhe NFT kanë patur një reagim negativ nga publiku.