Lojtarët e Fortnite në Evropë do të kenë një shans për të fituar Trinity Trooper skin falas përpara se të jetë e disponueshme në Item Shop. Ja se si ta merrni atë.
Fortnite Trinity Challenge është tournament-i më i ri në lojë dhe do t’ju lejojë që të merrni Trinity Trooper skin falas. Fortnite Trinity Challange do të fillojë në 14 mars dhe si çdo tournament tjetër në Fortnite, lojtarët mund të garojnë për tre orë ose dhjetë ndeshje, cilado që të jetë e para.
Ky tournament do të jetë një event trio, kështu që për t’u bërë pjesë do t’ju duhen edhe dy lojtarë të tjerë në ekip. Deri tani ky do të jetë një tournament vetëm për lojtarët e EU. Lojtarët nga rajone të tjerë gjithashtu mundë të jenë pjesë e këtij tournamenti vetëm se ata do të kenë një disavantazh për sa i përket ping-ut, që do ta bëj lojën të vështirë për ta.
Trinity Trooper skin do të jetë i disponueshëm për çdo lojtar në çdo rajon në një kohë të pacaktuar në Item Shop. Nuk kemi asnjë lajm zyrtar nga Epic se kur do të jetë i disponueshëm ky skin por mund të supozojmë se fituesit e Trinity Challenge do të kenë ekskluzivitet të këtij skini ndoshta për një javë ose dy.