Square Enix na sjell kësaj here një JRPG të re tactical të quajtur Triangle Strategy në platformën e Nintendo Switch. Me një histori interesante dhe një gameplay i cili do t’iu vendos trurin në punë dhe të planifikoni çdo lëvizje tuajën, a do ia dalë kjo lojë të kryesojë midis lojërave të tjera të këtij zhanri?
Nintendo Switch ka goxha lojëra popullore strategjike dhe tactical ndër të cilat mund të përmendim Fire Emblem ose Mutant Year Zero. Dhe këtu Square Enix hyn në skenë duke sjellë një lojë të këtij zhanri. Triangle Strategy është goxha e ngjashme me Fire Emblem në disa aspekte por në të njëjtën kohë ka veçori që e bëjnë këtë lojë goxha të veçantë.
Triangle Strategy zhvillohet në kontinentin e Norzelia, një vend i ndarë midis tre kombeve fqinje; Aesfrost, Glenbrook dhe Hyzante. Kanë kaluar tridhjetë vjet që kur kombet zhvilluan “Luftën e Saltiron” dhe tashmë këto kombe jetojnë në paqe me njëra-tjetrën.
Ju do të vendoseni në rolin e Serenoa Wolffort, një lord i ri fisnik në kombin e Glenbrook. Serenoa i është vendosur që të martohet me princeshë Frederica Aesfrost me qëllimin e forcimit të paqes midis kombeve. Në të njëjtën kohë ju gjithashtu bëheni lordi drejtues i shtëpisë suaj pas tërheqës të babait tuaj nga pozicioni i tij.
Por si në çdo histori të ngjashme, paqja nuk zgjat për shumë kohë dhe probleme të mëdha shfaqen. Tashmë është detyra juaj për të bashkuar kontinentin e Norzelia me ndihmën e miqve tuaj.
Teksa historia e lojës mund të ketë fillim relativisht të ngadaltë ose e avashtë, Triangle Strategy na vë përballë me disa tema dhe dilema goxha interesante. Duke nisur që nga “mëkatet” e drejtuesve të Norzelia dhe deri tek komplotet dhe skemat politike. Ju do të përballeni me goxha tema të maturuara këtu që është e pamundur t’i shmangësh ndonjëherë.
Fatmirësisht, edhe në momentet e saj më dramatike, stili “HD-2D” i Triangle Strategy është një kënaqësi më vete të cilën e shijuam goxha. Bota është e krijuar me pixels por ju mund të ndryshoni perspektivën nga e shikoni duke na dhënë ndjesinë “3D” dhe gjithashtu mundësinë për të parë nga çdo anë këtë botë dhe karakteret e saj.
Historia e Triangle Strategy na sjell një larmishmëri të madhe karakteresh dhe personazhesh. Gjatë rrugëtimit tuaj ju do të njiheni me goxha karaktere dhe personazhe të cilët mund t’i bëni pjesë të party tuaj. Ju mund t’i përdorni ata në përballjet tuaja por në të njëjtën kohë edhe për të kryer zgjedhjet tuaja.
Gjatë rrugëtimit tuaj, ju do të përballeni me opsione për të zgjedhur se çfarë do të thoni ose çfarë veprimi do të kryeni. Dhe këtu vjen në skenë “The Scales of Conviction” e cila është një peshore që do të vendos veprimet tuaja. Secili prej pjesëtareve të ekipit tuaj kanë mundësinë të votojnë se secili do të jetë veprimi i radhës.
Ju do të keni mundësinë që të bisedoni me çdo karakter para votimit duke iu dhënë mundësinë që të ndryshoni vendimin që mund të merret. Por kjo asnjëherë nuk është e sigurt. Gjithashtu iu rekomandojmë që të flisni me këto gjatë eksplorimeve tuaj pasi çdo bisedë mund t’iu jap informacione të cilat mund të ndikojnë tek zgjedhjet dhe veprimet tuaja.
Ndërsa çdo personazh rritet dhe bëhet level up, ata janë të kufizuara në një klasë të vetme. Për shembull, Geela është një magjistare e fokusuar tek shërimi kurse Frederica është një magjistare e fokusuar tek magjia e zjarrit. Fatkeqësisht ju nuk do të keni mundësinë të ndërtoni ose ndryshoni aftësitë e karaktereve që keni.
Duhet ta përmendim përsëri që fillimi i Triangle Strategy është goxha i ngadaltë por fillon të përshpejtohet më pas. Por ky nuk është problemi kryesor që kjo lojë ka. Problemi më i madh janë dialogët e gjata dhe të pafundmë që loja ka të cilat jeni shpesh herë të detyruar t’i dëgjoni me vëmendje.
Ju mund t’i bëni skip shumicat e tyre dhe thjesht t’i hidhni një sy log që loja ka mbi ngjarjet e lojës por përsëri vihet goxha re kjo gjë. Por combat dhe explorimi që loja ka e kompesojnë deri diku këtë problem.
Combat zhvillohet në formën turn-based ku secili karakter ka turnin e tij të veçantë i treguar në pjesën e poshtme të ekranit. Mund të jetë pak e ndërlikuar kur ke goxha karaktere të ngjashme kundërshtare ne fushë, por stili HD-2D iu ndihmon goxha.
Pozicionimi është një faktor kyç në luftim duke iu dhënë avantazhe dhe dëme shtesë ndaj armiqve. Disa karaktere duke përfshirë këtu Serenoa mund të ndikojnë me aftësitë e tij në turnin e kundërshtarëve duke i vonuar ata. Gjithashtu do të keni edhe karaktere me aftësi të cilat iu japin një Boost, Heal, bëjnë AOE(Area of Effect) Damage dhe më shumë.
Dhe më e rëndësishmja që duhet të keni parasysh është fakti që kur gjuani një kundeshtar i cili ndodhet afër një pjesëtari të skuadrës suaj, ky i fundit do ta sulmojë përsëri kundërshtarin që sulmuat. Ju do të gjeni goxha kombinime të ngjashme dhe më shumë të cilat do t’iu ndihmojnë goxha.
Edhe pse nuk ka asgjë revolucionare rreth combat, ai shijohet goxha dhe përmirësohet akoma edhe më shumë nga aspektet vizuale. Fatkeqësisht combat lihet pak në hije nga madhësia e madhe e dialogëve që do të keni.
Loja ka disa ending në varësi të zgjedhjeve tuaja si në veprime po ashtu edhe në bisedat që kryeni. Prandaj tregohuni të kujdesshëm me çdo veprim që kryeni.
Gjithashtu të mos lëmë pa përmendur kolonat e bukura zanore që loja ka të cilat përshtaten goxha bukur me situatat ku jeni.
Triangle Strategy është një JRPG tactical goxha e bukur me një histori të thellë të cilën keni për ta shijuar goxha nëse keni durimin dhe përqendrimin e duhur. Por teksa orët e para mund të jenë paksa të ngadalta, ajo shpejt bëhet një tjetër lojë strategjike perlë në kurorën e lojërave strategjike të Switch.