2019-a tashmë përfundoi dhe viti 2020 nis me një lojë fantastike si Dragon Ball Z: Kakarot. Sa për muajt në vijim mund të themi që lojërat do të jenë po aq mbresëlënëse. Ndër to mund të përmendim; Cyberpunk 2077, The Last of Us Part 2 dhe Final Fantasy VII Remake. Ky vit i ri do të jetë goxha ekzaltues, pasi dy kompanitë gjigande si Sony dhe Microsoft, do të vijnë me projektet e tyre të shumëpritura, Xbox Series X dhe PlayStation 5. Prandaj na besoni kur ju themi që, në 2020-ën nuk do të dilni shpesh nga shtëpia.
Atëherë, pa u zgjatur shumë, le të fillojmë:
Dragon Ball Z: Kakarot
Platformat: Microsoft Windows, PS4 & Xbox One
Data e Lançimit: 17.01.2020
Kakarot është një action-RPG, por dhe një lloj loje fighting (sepse eshte Dragon Ball, çfarë prisnit?!). Kur fluturon nëpër botë si Goku, ke ndjesinë e një loje ‘third-person’. Kur shpërthen një luftë, perspektiva zhvendoset ‘over-the-shoulder’ në një lojë fighting. Të përfshirë janë gjithashtu: ‘outside combat’, përfundimi i side quests, dheee nëse e keni hobi, mund të peshkoni po ashtu.
Ajo që e veçon Kakarot nga lojrat e panumërta fighting të DBZ është theksi i saj në përparimin e RPG-së. Gameplay është në përputhje me harkun e historisë anime, që do të thotë se Goku nuk fillon me lëvizjet e tij më të fuqishme. Ideja pas këtij vendimi është që lojtari të përfshihet në atë që po ndjen Goku në momente të ndryshme. Është diçka e vogël, por mund të bëjë ndryshimin për fansat e Dragon Ball Z që po kërkonin diçka ndryshe prej kohësh.
Final Fantasy VII Remake
Platformat: PS4
Data e Lançimit: 03.03.2020
Më shumë se 20 vjet pasi u lëshua Final Fantasy VII për PlayStation-in e parë, Square Enix po rindërton plotësisht ekskluzivitetin për një gjeneratë të re. “Final Fantasy VII Remake” do të jetë një rikrijim i lojës; me grafika të reja të mrekullueshme, një sistem të ri luftarak dhe theks më të madh në tregimet kinematografike.
Kapitulli i parë i “Final Fantasy VII Remake” është vendosur në qytetin e Midgar. Lojtarët kaluan afërsisht tetë orë në qytet gjatë origjinalit “Final Fantasy VII”, por Square Enix thotë se versioni i ri i Midgar është mjaft i madh për të qenë një lojë më vete. Në fund të fundit, Square pret që kapitulli i parë i “Final Fantasy VII Remake” të plotësojë dy disqe Blu-Ray, një ‘feature’ i rrallë ky për çdo lojë moderne apo film.
Watch Dogs: Legion
Platformat: Microsoft Windows, PS4, Google Stadia, Xbox One & Xbox Series X
Data e Lançimit: 06.03.2020
Watch Dogs Legion, i treti në serinë Watch Dogs, do të zhvillohet në të ardhmen e afërt distopike. Ashtu si me lojërat e mëparshme të vendosura në Chicago dhe San Francisco, Legion do të vendoset në Londër në një shoqëri post-Brexit. Do të keni mundësi të eksploroni disa vendndodhje ikonike në ‘open-world’-in e lojës teksa nisni një rezistencë.
Në dallim nga lojërat e mëparshme Watch Dogs, Legion ju sjell një ‘twist’ interesant: çdo karakter në lojë është një protagonist i mundshëm për ju që të rekrutoni në kauzën tuaj. Secili vjen me tiparet dhe aftësitë e veta që ju mund t’i përdorni për përfitimet tuaja personale.
Sa i përket gameplay, Watch Dogs: Legion do të paraqesë një përzierje të eksplorimit ‘parkour’ dhe ‘platforming’, përleshjeve me armë, dhe natyrisht hakimin. Ubisoft vëren se armiqtë nuk do të priren të përshkallëzojnë luftimet, kështu që nëse ju nuk i nxirrni armët, as ata nuk do e bëjnë. Një shumëllojshmëri aftësish, armësh jo-vdekjeprurëse dhe pajisje të tjera janë në dispozicionin tuaj për t’ia shtuar stilit tuaj të lojës, në varësi të situatës në të cilën gjendeni.
Duke marrë çdo gjë në konsideratë, Watch Dogs: Legion pritet të jetë një sukses i vërtetë, duke ndjekur shembullin e lojërave paraardhëse.
DOOM Eternal
Platformat: Microsoft Windows, PS4, Google Stadia, Xbox One, Nintendo Switch & IBM PC compatible
Data e Lançimit: 20.03.2020
Zhvilluar nga id Software dhe me publikimin që do të bëhet nga Bethesda Softworks, Doom Eternal është një lojë FPS e shumëpritur. I përket serisë Doom dhe është një vazhdim i Doom-it të vitit 2016 duke qenë kështu loja e pestë kryesore e serive. Sa për një ‘teaser’ të vogël seç ju pret në këtë lojë; Toka është pushtuar nga forcat demonike dhe nuk është më toka që ne njohim sot. Përkundrazi, ajo është shndërruar në një botë makthi dhe tmerri të drejtuar nga përbindësha demonik. Lojtarët marrin rolin e Doom Slayer, duke luftuar kundër forcave të liga të ferrit. Doom Slayer kthehet edhe një herë për të shpëtuar njerëzimin, por në këtë proçes, ai duhet të vuajë zemërimin e ‘Heaven’.
Bazuar në informacionin që kemi deri tani në gameplay, ‘plot’-in dhe vendosjen e lojës, DOOM Eternal pritet të jetë mjaft argëtim për të gjithë ata që do e luajnë atë.
Resident Evil 3 Remake
Platformat: PS4 & Xbox One
Data e Lançimit: 03.04.2020
Pas suksesit masiv të Resident Evil 2 Remake në 2019, Capcom ka ecur përpara në zhvillimin e një ‘remake’-u të ri pasardhës të të kaluarit, të quajtur Resident Evil 3 Remake. Projekti më i fundit i Capcom pritet të jetë një version i rregulluar i lojës, me një sistem luftarak të ngjashëm me Resident Evil 2 Remake të këtij viti, si dhe RE Engine, i cili jep gjithçka në detaje të gjalla. Por Capcom ka disa asa të tjerë nën mëngë për këtë Remake që mund ta bëjnë atë edhe më tërheqës se ai i mëparshmi.
Çka mund të themi është se stili i lojërave është ndryshuar plotësisht për t’i bërë lojërat ‘third-person’ të Resident Evil më bashkëkohore, me një perspektivë ‘over the shoulder’ e cila të jep vërtetë një ndjesi kontrolli mbi karakterin. Një lajm tjetër është një lojë ‘spinoff’ multiplayer Resident Evil: Resistance, e cila u njoftua si surprizë gjatë një prezantimi të PlayStation State of Play në Dhjetor 2019. Këto janë vetëm disa nga dhuratat e Capcom për fansat e tyre besnikë të cilët…, le të themi të drejtën, nuk do të ngelen të zhgënjyer në këtë vit.
Cyberpunk 2077
Platformat: Microsoft Windows, PS4, Xbox One & Google Stadia
Data e Lançimit: 16.04.2020
Cyberpunk 2077 do të hakojë jetën tonë dixhitale në pak muaj, dhe sa më shumë ‘teasers’, trailers dhe gameplay të shohim nga loja, aq më pak durim kemi përpara se RPG-ja masive e CD Projekt Red të vijë në ekranet tona.
Lançuar për Xbox One, PC, dhe PS4, Cyberpunk duket se do të jetë një lojë gjigande open-world. E zhytur në ngjyra neoni dhe makineri futuristike, dhe e mbushur me një ‘storyline’ tërheqës, Cyberpunk 2077 duket se nuk na lë shumë për tu ankuar.
Bazuar në trailer, lajme, video dhe vëzhgime të panumërta, (ku mund të shihni pak më shumë metropolin e së ardhmes, ku modifikimi i trupit është bërë një obsesion, dhe ju luani një të jashtëligjshëm misterioz në getot me shkëlqim të qytetit ), Cyberpunk 2077 premton të jetë një ndër lojërat e vitit për 2020-ën.
Marvel’s Avengers
Platformat: Microsoft Windows, PS4, Xbox One & Google Stadia
Data e Lançimit: 15.05.2020
Marvel’s Avengers ka kohë që është lajmëruar. Zhvilluesit e Crystal Dynamics, të njohur më mirë për Tomb Raider, do të merren me këtë ‘spinoff’ të veçantë superheronjsh. Marvel’s Avengers nuk do të përshtaten me Universin Kinematik të Marvel. Përkundrazi, Crystal Dynamics po tregon një histori që fillon në ditën festive (A-day) dhe degëzohet me shpërthimet e zakonshme dhe dëmtimet kolaterale.
Ky projekt nga Crystal Dynamics në Marvel është një lojë ‘action-adventure third person’ me ‘quick time events’ dhe një përfshirje të elementeve RPG. Kjo na bën të kuptojmë që Marvel’s Avengers nuk është vetëm për lojtarët hardcore.
Kjo lojë pritet të jetë fillimi i asaj që përshkruhet si një “partneritet shumë-vjeçar, shumë-lojësh” midis Square Enix dhe Marvel. Me kaq sa kemi kuptuar, Avengers nuk do të jetë e vetmja lojë Marvel që do të shihni nga Square Enix.
Wasteland 3
Platformat: Microsoft Windows, PS4, Xbox One, Linux & Macintosh operating systems
Data e Lançimit: 19.05.2020
Fansat duhej të prisnin për një vazhdim të RPG-së Wasteland të 1988-ës, loja që e pasoi atë ishte po aq e mire; prandaj mund të themi që Wasteland 3 ka pritshmëri shumë të larta për të përmbushur. Fushata e saj për mbledhjen e fondeve për vitin 2016 mblodhi më shumë se 3 milion dollarë, dhe në vitin 2018 zhvilluesi inXile u ble nga Microsoft, duke i dhënë ekipit edhe më shumë forcë financiare për të krijuar një RPG komplekse, e cila jemi të sigurtë që do ju tërheqë shumë. Nga pamjet dhe ‘screenshot’-et që kemi parë, duke përfshirë një trailer të ri në E3 2019, duket më ambicioze dhe më natyrale sesa Wasteland 2.
Duke qenë një RPG e bazuar në skuadër, e vendosur në një Kolorado post-apokaliptike; i cili përmban shumë dialog, përballje taktike dhe një histori që na tregon fraksione lufte për kontrollin e rajonit, Wasteland 3 pritet të ketë një ndikim edhe më të madh tek fansat sesa Wasteland 2
The Last of Us Part II
Platformat: PS4
Data e Lançimit: 29.05.2020
The Last of Us Part 2 na bëri të urojmë që 2019-a të largohet sa më shpejt, që nga lajmi i vonesës së lançimit të lojës për 2020-ën, por nga gjithçka që kemi parë ekskluzive të PlayStation, pritja do t’ia vlejë absolutisht.
Zhvilluesi Naughty Dog po tregohet ende i kujdesshëm për ta mbajtur ’storyline’-n e lojës të fshehtë, kështu ndërkohë që ne e dimë se do të shohim Ellie të krijojë një jetë të re, dhe një histori dashurie, ka ende pyetje për të cilat duhen përgjigje . Ku është Joel? A mund të mbijetojë interesi i dashurisë së Ellie-t në kapitujt e parë? Kush e njeh sekretin e Ellie? Do të duhet të presim deri më 29 maj të 2020-ës për ta zbuluar, por mesa kemi kuptuar deri tani, The Last of Us Part II do të jetë një ndër lojërat më të mira që do të plotësojnë harkun e plotë të PS4 me ardhjen PS5 në skenë në fund të 2020-ës.
Elden Ring
Platformat: PS4, Xbox One & Microsoft Windows
Data e Lançimit: Mars 2020 (e pakonfirmuar)
Traileri i parë zyrtar që zbuloi për here të parë lojën e fundit nga FromSoftware, u shfaq gjatë shfaqjes së Xbox në E3 2019. Me autorin e Game of Thrones, George RR Martin duke bashkëpunuar me krijuesin Dark Souls, Hidetaka Miyazaki, nuk është e vështirë për të kuptuar ekzaltimin e audiencës mbi këtë projekt të ri nga kjo studio. George RR Martin është prapa miteve të lojës dhe, duke patur parasysh njohurinë e tij mbi fantazinë e errët, prekja e tij është e sigurt se do të shtojë diçka ekstra të veçantë mbi botën e lojës.
Ndërsa do të ruajë ‘gameplay’-n sfidues për të cilin lojërat e From janë të njohura, studioja po na sjell një ‘open-world fantasy’, me më shumë përqendrim tek elementët RPG. Traileri që kemi parë ishte goxha i pazbërthyeshëm, edhe pse ishte diçka që e prisnim nga FromSoftware; Por nëse jeni dikush që pëlqen varietet në ‘gameplay’, shumë opsione personalizimi, mundësi për funde të ndryshme dhe mbi të gjitha përfshirjen e Hidetaka Miyazaki dhe George R. R. Martin, Elden Ring është loja për ju.
Person 5 Royal
Platformat: PS4 & PS3
Data e Lançimit: 31.10.2020
RPG-ja japoneze Persona 5 vodhi zemrat tona, kështu që ne tek GameON Albania, jemi shumë të interesuar se çfarë ka për të ofruar Persona 5 Royal.
Lajmi më i madh për Persona është se titulli do të zgjerojë vitin shkollor në Shujin me një semestër krejt të ri. Kjo lojë nga Gematsu, sipas informacioneve tona, do të përfshijë një semestër të ri, i cili do të jetë, përsa i përket vëllimit të plotë, përtej pritshmërive për ata që luajtën Persona 4 Golden. Gjithashtu, emri “Royal” i lojës ka për qëllim të përcjellë motivimin e ekipit të studios japoneze për të krijuar “një lojë vërtetë mbretërore”.
Prandaj, le të shpresojmë se përvoja jonë me lojën do të jetë po ashtu ‘royal’.
Halo Infinite
Platformat: Xbox One, Microsoft Windows & Xbox Series X
Data e Lançimit: 2020 (e pakonfirmuar)
Halo Infinite është loja tjetër e rëndësishme në listën e lojërave BIG për 2020-ën.
Siç shihet edhe në lojërat paraardhëse, Halo Infinite pritet t’i përmbahet formulës së lojërave FPS që e bën serinë unike. Nga loja e ngushtë, që pëgjigjej shpejt pas komandave, deri tek koha e ngadaltë për të vrarë, vlerat thelbësore të Halo ka të ngjarë të adoptohen, ndërsa evoluojnë me ide të reja, dhe sa i përket historisë, Halo Infinite do të ndjekë historinë që filloi në Halo 5: Guardians, në të cilën Cortana u kthye me një ushtri makinerish të lashta lufte të quajtura Guardians, të cilat ajo filloi t’i përdorë për të detyruar galaktikën në nënshtrim.
Ne besojmë se Infinite thjesht do të jetë një tjetër lançim krenar në trashëgiminë e shkëlqyer të Halo dhe padyshim një domosdoshmëri për vitin 2020.
Minecraft Dungeons
Platformat: Xbox One, Microsoft Windows, PS4, Nintendo Switch & Macintosh operating systems
Data e Lançimit: 2020 (e pakonfirmuar)
Minecraft Dungeons është vendosur në të njëjtën botë formash gjeometrike si Minecraft, por si lojë është shumë e ndryshme. Një zhanër i ri, një ‘engine’ i ri, mekanikë e re, artikuj të rinj dhe histori e re na bën të themi që është një rishikim i plotë i formulës së suksesshme Minecraft që njohim.
Loja thuhet se është një projekt pasioni për ata tek Mojang, studioja suedeze që u themelua për të krijuar Minecraft-in origjinal. Është e para nga disa nisma të reja brenda Mojang që synojnë zgjerimin e universit të “Minecraft”.
Ju mund të thoni që është frymëzuar pjesërisht nga Diablo 3 dhe “dungeon crawlers” klasikë, duke pasur një theks tek plaçkitjet dhe luftimet. Ju do të eksploroni gradualisht nivele ‘branching’me deri në tre miq, duke zgjidhur ‘puzzles’ të thjeshta dhe të armatosni karakteret tuaja. Gjithashtu ju do të luftoni mbi dhe nëntokë ndërmjet shumë biomeve të shumta.
Minecraft Dungeons? Padyshim që ia vlen.
Dying Light 2
Platformat: Xbox One, Microsoft Window & PS4
Data e Lançimit: 2020 (e pakonfirmuar)
Pothuajse pesë vjet pasi zhvilluesi polak i lojërave, Techland i dha botës një shije të Dying Light, studioja është në prag të lëshimit të pasardhësit të shumëpritur, Dying Light 2.
Ekskluziviteti i Techlands ka lënë një përshtypje të qëndrueshme në vitet që nga lëshimi i saj. Në vitin 2016, ajo gjithashtu mori DLC-në vijuese, The Following, e cila ju lejon të qarkulloni në një fshat të gjerë, ndërsa shkelni të pavdekshmit me 4×4-ën tuaj dhe madje edhe një spin-off stil battle royale më vonë.
Kjo është arsyeja pse po presim me kaq padurim për të parë vazhdimin e sagës që po na sjell Techland.
Loja e parë e ekskluzivitetit përfshiu lojtarët me shpërthimin misterioz viral që do të shkatërronte rracën njerëzore përmes syve të Kyle Crane, protagonistit të videolojës. Dying Light 2 do të na sjellë një vështrim të ri në këtë shoqëri të ndërtuar sipër rrënojave të asaj që infeksioni ka shkatërruar. Pra, me pak fjalë, është në dorën tuaj ta formësoni atë sido që të doni.
Ghost of Tsushima
Platformat: PS4
Data e Lançimit: 2020 (e pakonfirmuar)
Një nga lojërat e fundit BIG për PlayStation 4 është pothuajse këtu. Ghost of Tsushima do t’i çojë lojtarët në Japoninë feudale, teksa një luftëtar i vetëm samurai përballet me sfidën në dukje të pamundur për të mbrojtur shtëpinë e tij kundër një force pushtuese. Zhvilluar nga Sucker Punch Productions, loja ‘open-world’, ‘action-adventure’ nuk do të përfshijë ndonjë element fantazi. Përkundrazi, do të përpiqet të japë një interpretim real të një ngjarjeje historike.
Sipas informative të dhëna, ju do keni shumë liri zgjedhjeje në lojë, pra nëse ju keni dëshirë të shihni një pyll bambuje sepse ju intereson, ju mund ta bëni atë pa ju ndalur askush. Me pak fjalë, ju e drejtoni narrativin e lojës përpara.
Loja pritet të jetë një përshkrim mahnitës i një faze të rëndësishme në historinë japoneze më shumë se 700 vjet më parë. Puna e palodhur e Sucker Punch në mjediset e lojës duket më së miri dhe ‘gameplay teasers’ që kemi pare na kanë bërë të mendojmë që përballjet me shpata do të jenë një prej ‘highlight’-eve të kësaj loje.
Rainbow Six Siege Quarantine
Platformat: PS4, Microsoft Windows & Xbox One
Data e Lançimit: 2020 (e pakonfirmuar)
Rainbow Six Quarantine është një lojë e re në ekskluzivitetin Tom Clancy, që është vendosur disa vite në të ardhmen e serisë Rainbow Six. Pasi një parazit i panjohur alien është çliruar, Rainbow Operators tanë duhet të bien në zona karantine për t’u përballur me këtë kërcënim mutant. E dimë që kur bëhet fjalë për Rainbow Six jeni mësuar me PvP, por Quarantine është një përvojë multiplayer që bashkon grupe me tre lojtarë kundër mjedisit dhe armiqve AI.
Quarantine përmban një fushatë krejtësisht të re bashkëpunuese, megjithëse nuk dimë sa misione do të ketë ende. Lojtarët pritet të futen në zonat e karantinës në të gjithë vendin, dhe të përdorin veprimin taktik për të cilin seria është e njohur në mënyrë që të nxjerrin të infektuarit. Operatorët nga Rainbow Six Siege do të jenë në Quarantine pasi përballen kundër këtij kërcënimi të ri alien, dhe ‘gunplay’ dhe luftimi pritet të jenë shumë të ngjashme me Siege. Zhvilluesi shprehet se ky virus krijon armiq që janë më vdekjeprurës dhe sfidues se kurrë më pare, praandaj kjo do të jetë një lojë vërtet kaotike dhe paparashikueshme.
Kështu që armatosuni dhe bëhuni gati për Quarantine, pasi 2020-a ka mbërritur.
Beyond Good & Evil 2
Platformat: Microsoft Windows
Data e Lançimit: 2020 (e pakonfirmuar)
Beyond Good & Evil 2 është goxha e thjeshtë në letër: është një aventurë piraterike në hapësirë ku disa prej piratëve të përmendur janë kafshë antropomorfe (ose ndryshe, kafshë me gëzof), dhe ju mund të eksploroni një sistem të tërë diellor.
Në praktikë, është shumë më tepër; është një vazhdim i një lojë të preferuar nga 2003-shi që ka qenë në zhvillim për më shumë se një dekadë, me vizione dhe fushëveprim që ndryshon gjatë gjithë kohës, një sistem diellor për ju që të eksploroni dhe tranzicionet e zakonshme nga transporti në këmbë tek ‘hyper-speed’ në anijen tuaj kozmike. Një fakt tjetër interesant është që, disa nga përmbajtjet në lojë do të krijohen nga fansat përmes një bashkëpunimi me hitRECord, një platformë bashkëpunuese e kryesuar nga Joseph Gordon-Levitt.
Na besoni,… është videolojë e bukur!
Skull & Bones
Platformat: Microsoft Windows, PS4 & Xbox One
Data e Lançimit: Mars 2020 (e pakonfirmuar)
Skull and Bones u njoftua fillimisht në vitin 2017, por që prej asaj kohe nuk ka pasur shumë lajme nga videoloja e shumëpritur. Nëse mund të na sjellë atë që presim në datën e saj të lançimit në 2020, pritja mund të themi që ka qenë e justifikuar.
Loja premton t’ju lejojë të komandoni anijen tuaj në dete të furishme, duke punuar së bashku me marinarë të tjerë të regjur ose duke luftuar në valët e oqeanit. Nuk është aq e thjeshtë sa tingëllon, do të duhet të luftoni me motin dinamik dhe eventet botërore, dhe të mësoni rrugët më të mira tregtare për të plaçkitur. Ndërsa mezi presim që të grumbullojmë anijet tona dhe të përgatisim trajnimin e papagajve tanë të shajnë në gjashtë gjuhë të ndryshme, kaq mund t’ju themi për momentin se çfarë ju pret në Skull and Bones në 2020.
Vampire: The Masquerade – Bloodlines 2
Platformat: Microsoft Windows, PS4 & Xbox One
Data e Lançimit: 2020 (e pakonfirmuar)
Vampire: The Masquerade – Bloodlines 2 është një lojë e ardhshme ‘role-playing’, e zhvilluar nga Hardsuit Labs dhe botuar nga Paradox Interactive. Kjo videolojë është vazhdimi i Vampire: The Masquerade – Bloodlines. Historia përshkruan një person në Seattle-in e shekullit të 21, i cili është vrarë dhe ringjallur si një vampir me aftësi relativisht të dobëta vampirike.
Bloodlines 2 kryesisht luhet në një perspektivë ‘first-person’, duke alternuar në ‘third-person’ për aktivitete kontekstuale. Lojtari i vendos karakterit të tij një nga tre disiplinat e ‘thin-blood’ përpara se të bashkohet më vonë me një nga pesë klanet ‘full-blood’.
Half-Life: Alyx
Platformat: Microsoft Windows
Data e Lançimit: Mars 2020 (e pakonfirmuar)
Nuk është Half-Life 3, por bën punë. Half-Life: Alyx pritet të jetë “një rikthim i VR për Half-Life “, dhe lajmërimi i lojës i ka bërë fansat e ekskluzivitetit vërtet të emocionuar. Valve thotë se Half-Life: Alyx është një lojë e zhvilluar posaçërisht për të përfituar nga ‘hardware’-i i tyre Valve Index, por ju gjithashtu do të jeni në gjendje ta luani atë në pajisje të tjera VR.
Me muajt në vijim, ne do të mësojmë më shumë në lidhje me lojën por për momentin, do ju themi 2 faktet kryesore mbi këtë projekt të Valve.
Së pari, nuk është një histori anësore, as episodike, është pjesa tjetër e tregimit Half-Life, në një lojë me të njëjtën gjatësi sa Half-Life 2.
Së dyti, edhe pse ndodh para ngjarjeve të Half-Life 2, ne në të vërtetë ju rekomandojmë të luani përmes Half-Life 2: Episode 2 përpara se të luani Half-Life: Alyx, për arsye që do të bëhen të qarta ndërkohë që përparoni.
Natyrisht, ne do të duhet të presim dhe të shohim se si njerëzit reagojnë ndaj Half-Life: Alyx pasi të ketë dalë, por do të donim të vazhdonim të merrnim me sa më shumë content loje nga Valve, gjë që do e bënte pritjen tonë më pak torturuese.