Bota e kripto dhe NFT ka filluar të pushtojë së fundmi goxha lojëra dhe projekte të ndryshme ku më e fundit është Thetan Arena. Por si funksionon kjo lojë dhe si të përfitoni prej saj?
E lançuar në 16 shtator 2021, Thetan Arena iu lejon lojtarëve që të marrin pjesë në botën e NFT duke gjeneruar fitim. Loja paraqet një strukturë të bazuar në një lojë platformer MOBA ku do të gjeni shpërblime për t’u mbledhur.
Në këtë mënyrë, lojtarët mund të mbledhin items në nivele të ndryshme të lojës me të cilat mund të rrisni karakteret tuaja. Ju mund të merrni pjesë në Thetan Arena falas duke mbledhur karakteret bazë(karakteret përdoren si NFT) dhe duke filluar të ndërveproni me komunitetin.
Teksa avanconi në lojë, lojtarët do të përballen me lojtarët e tjerë duke përdor karakteret e tyre të quajtur “warriors” të cilët mund të shkëmbehen në Marketplace. Thetan Arena prezanton monedhën e saj kripto të quajtur THG, e cila mund të përdoret për të kryer shkëmbimet midis lojtarëve në lojë.
Por për të kryer këto transaksione, ju do të keni nevojë për një protofol dixhital për të ruaj të ardhurat tuaja. Në rastin e THG, të ardhurat tuaja ruhen në MetaMask të cilin mund ta instaloni në browser tuaj të preferuar.
Pasi ta keni lidhur portofolin tuaj dixhital me llogarinë tuaj në lojë, ju do të keni mundësinë që të blini ose shisni NFT. Edhe pse pjesëmarrja është falas, ju do të keni mundësinë që të shpenzoni para në lojë.
Kur lojtarët kryejnë investime në lojë, ata do të kenë akses në një veçori speciale që zhvilluesit e lojës kanë krijuar duke i shpërblyer lojtarët me shpërblime të veçanta të cilat lojtarët Free-To-Play nuk i marrin dot.
Edhe pse nuk ka një vlerë minimale për të hyrë, çmimet në Marketplace variojnë për çdo nivel të NFT duke variuar nga 50 dollarë amerikanë deri në 200 dollarë amerikanë. Pasi shpërblimet merren, si për lojtarët Free-To-Play ose për ata Premium, lojtarët mund të shkëmbejnë NFT që kanë mbledhur me kripto THG.
Momentalisht loja është akoma në zhvillim dhe pritet që veçori të reja të shtohen së shpejti.