Teaser i sezonit të 9 të Fortnite ka ardhur dhe duket mjaft futuristik

Fansat e robotëve do jenë shumë të kënaqur me të.

Eventi final i sezonit të tetë të Fortnite ka ardhur dhe kjo do të thotë se sezoni i nëntë ka rradhën për ti zënë vendin. Epic ka publikuar teaser-at e parë për sezonin e ri dhe duket sikur kemi udhëtuar disa vite para në kohë.

Taktika është njëlloj edhe si me sezonet e para. Pak gjëra tregohen, ndaj nuk është se ke shumë hapësirë për të interpretuar. Dallojmë një personazh të Fortnite brenda tij , ose një skin ose diçka e re ende nuk e dimë. Ky i fundit duket si një robot, që mund të sinjalizojë që mund të kemi të bëjmë me diçka futurustike në lojë.

Kësaj teorie i mëshon edhe description-i i Epic poshtë tweet-it: “E ardhmja është e panjohur.” Nëse Epic do të mbajë të njejtën strategji si me sezonet e tjera, do të presim për diçka më shumë të nesërmen, e kështu me rradhë në ditët në vijim, derisa misteri të zbulohet.

Dita e fundit e sezonit të tetë të Fortnite është 8 maji, ndaj nuk na ka ngelur edhe shumë për të pritur.