Marvel lançoi një trailer të ri të lojës së ardhshme “AAA” për telefona të Marvel Future Revolution të zhvilluar nga Netmarble. Këtë herë nuk është një zbulim i një karakteri të ri, por një vështrim i ri në një nga publikimet e para që u njoftua për lojën mbi një vit më parë, Spider-Man, mjaft i preferuar nga fansat. Për momentin, nuk ka asnjë datë të lançimit për Marvel Future Revolution, por ne e dimë që do të jetë në iOS dhe android.
Nëse nuk jeni të njohur me lojën, e cila nuk do të ishte për t’u habitur duke marrë parasysh që ka kaluar një kohë e gjatë pa asnjë informacion, është një lojë për celular multiplayer open-world RPG. Historia ka të bëjë me konvergjencën, një katastrofë multiverse në të cilën universet përplasen, që do të thotë se do të jemi në gjendje të luajmë shumë versione të super-heronjve të dashur. Lojtarët bëhen anëtarë të Omega Flight me qendër në New Stark City, e cila është kufiri i fundit i mbrojtjes së universit. Në thelb, është një grup heronjsh që u bashkuan nga shumë realitete për të mbrojtur universin.